[عبدالرحمن هليل]

ياراكب اللي لامشى يطوي القار** وليا وقف كنه يقول انظروبي

تصميم ملعون الثوى عابد النار** طاغي ولافكر بزود الذنوبي

ليا تـقـفـيته تقــــل ذيب لا غار** وجه مثل وجه الغزال اللعوبي

بالطول والا العرض ملفت للانظار** وليا ركبته ماتمل الركوبي

موديل عشره فوق الالفين فكسار** جيب تحدى واردات الجيوبي

شد الوكاله مالمس فيه مسمار** لونه يقارب للشفق والغروبي

هو منوة اللي عن هله منحي الدار** عليه يقرب مبعدات الدروبي

مبطي ولا عنهم سمع رد الاخبار** بدو ورى المرعى تسوق الذهوبي

شراه عقب ايس من القرب واحتار** وضاقت به الافكار من كل صوبي

يومن كـــلن نـــام نومه عنـه طار** وسراه مع مسرى نسيم الهبوبي

يبغى يمر دياره اللي بها سار** ايــــام يومنــه بوقـــته طــــــــروبـي

مع صاحبن بينه مواثيق واسرار** كلن للاخر به غلاء ومحسوبي

مشتاق له عقب انتحت فيه الاقدار** لعل في ماقال ماهـــو كذوبي

هو باقين له عقب ماغاب مقدار** والا نساه وبـدلـه بمحبــــوبـــي

اوصار حبه عند شرواه تذكار** والا تزوج عـقب ماهـو عزوبــــي

اليا حصل شوفه يهونن الاخطار** مير البلا كانه عليه محجـــوبـي

الموضوع الأصلي: 20010فكسار | | الكاتب: عبدالرحمن هليل | | المصدر: شبكة بني عبس

[عبد العزيز]

صح لِسانك وبيض الله وجهك على هذه الابيات الجميلة

[النمر1012]

بيض لله وجهك وصح اللسانك يعطيك العافيه
وفعلا
هو منوة اللي عن هله منحي الدار** عليه يقرب مبعدات الدروبي

مبطي ولا عنهم سمع رد الاخبار** بدو ورى المرعى تسوق الذهوبي

شراه عقب ايس من القرب واحتار** وضاقت به الافكار من كل صوبي

يومن كـــلن نـــام نومه عنـه طار** وسراه مع مسرى نسيم الهبوبي

يبغى يمر دياره اللي بها سار** ايــــام يومنــه بوقـــته طــــــــروبـي

[عبدالرحمن هليل]

مشكورين ودمتم

[فهد العوضه]

بيض لله وجهك وصح اللسانك يعطيك العافيه
وفعلا
هو منوة اللي عن هله منحي الدار** عليه يقرب مبعدات الدروبي

[عبدالرحمن هليل]

صح بدنك ولا عليك زود

[عبدالرحمن هليل]

ووجهك ابيض اشكرك

[عبدالرحمن هليل]

مشكور يالنمرررررررر