[محمد السنيني]

السلام عليكم ورحمة الله وبركاته

هذي القصه للشاعر المرحوم : صالح بن سلمان الذيابي الرشيدي(رحمة الله) عندما كان متزوج من امراه وكان لايهتم في الابل والغنم وكانت هي من تقوم بأعلافها وكان عندما تبدأ الشمس بالظهور يكون قد اعتلى الجبل ولا يرجع الى ومعه الصيد الكثير وبعد مده توفيت امراته و تزوج بأمراه اخرى من قبيلته ولاكن لم تكون مثل الاولى بل كانت لاتهتم
وكان هو من يقوم بسقاية الابل والغنم وكان جاره يدعى غازي العنزي وذات يوم كان ذاهباً صالح الى المورد الماء من اجل السقايه ومرى على جاره وسلم وقال جاره فنجال
قهوه يابو عوض يقصد صالح قال انا مشغول بس بجيك بعدين قال غازي فنجال وبقولك وش قالت الحريم فيك قال صالح طيب بودي الحلال وجيك يوم جاء عند جاره وتقهوا قال
غازي سمعت بعض الحريم يقولن انا صالح بعد ما ماتت زوجته الاولى وتزوج الثانيه صار يروح يسقي الحلال ويعلفها بعد ماكان مايبلش فيه يوم زوجته الاوله وكان من النساء
زوجة غازي تدعى ( فريجه ) بعد ماعلمت فريجه بالسالفه دخلت على صالح عند زوجه
وقالت والله يابو عوض ماقلت فيك الزينه ولى الشينه قال صالح والله ماصدقك لين تصلين ركعتين لله عشان اصدقك وفعلاً صلت وقال صدقتك وراحت وبعدها اتى الشاعر صالح
بالقصيده .

يقول ..

الله من هرجاً حكى فيـه غـازي = عقب بقلبي مثل كي المسامير
نـاراً تلـهـب كـنهــــا نــار قـــازي =والى الشحم بمذلعقات المصاهير
فريجه عيون اللي تقود الجوازي = عندي ثنت بنت الرجـال الفواعيـر
ياعيـن حـر ومـاكـــره بالـركــازي = ماياكل الى من فنـاد المسـاحير
و البيـض حطنـي تقـول ارتوازي =جذاب للماء من بعيد المصـاديـر
والضرس مايقلع ليا صـــــار لازي = ولا يعرضونه لليـديــن البــواطير
الا اذنه صار فيه اهتزازي = ادواه عندي معسكرات المسامير
طشه ولى يرث عليك النحازي = والرزق عند الله حسين التدابير

منقول

الموضوع الأصلي: قصة وقصيدة صالح بن سلمان الذيابي الرشيدي | | الكاتب: محمد السنيني | | المصدر: شبكة بني عبس