[أبوفيصل الجولان]

[frame="7 80"]قصيده أرجو ان تنال اعجابكم



مابلت الدنيا ضما ناشـف الريـق
ولابـان بوجيـه الرفاقـه رفاقـه

قل للرفيق الي حدانا على الضيـق
لابوه عـرف ولعنبوهـا صداقـه

فالصوت نبرات التعاسه مواريـق
يامن يـرد العلـم لهـل العلاقـه

ويقول مال الحر غير الشواهيـق
لوتعشق سبوقه ثرى ارضه عشاقه

وحنا لو ان الهـم فينـا طواريـق
نكسر على خطواتنا عضـم ساقـه

ماننشد الونه عن اقصى المعاليـق
والهرج نعرف غايته مـن سياقـه

واليا غدى المعنى سوالف واراويق
ماننشـد الحـلاق فـن الحلاقـه

كم جملة فيهـا المعانـي تفاريـق
تقلع مدى مـن لا تمنـى فراقـه

قم جر صوت معوكسات الطواريق
الموت واحـد والحماقـه حماقـه

ومدام شمسي تنقري فالمشاريـق
مااقول مالي في عنا الوقت طاقـه

ولاني بمن يغفيبه الوقـت ويفيـق
انـا بـدوي تكفيـه حنـة نياقـه

منقووووول
[/frame]

الموضوع الأصلي: أنــــــا بدوي تكفيه حنة نيــــــــــــاقه....من اجمل قصايد بن سيف | | الكاتب: أبوفيصل الجولان | | المصدر: شبكة بني عبس

[((.الأمير .))]

ولاني بمن يغفيبه الوقـت ويفيـق
انـا بـدوي تكفيـه حنـة نياقـه

صح لسانك ولسان الشاعر

ابيات رووعة

ومشكور على القصيده

وتحياتي لك...

[أبوفيصل الجولان]

اشكرك يااالامير على مرورك الكريم,,والله يوفقك,,أبوفيصل الجولان