[مشعل الخياري]

هذه المحاوره بين الشاعر معتق العياضي والشاعر منيف المنقره وكانت في أملج ::









منيف
يامرحبا في محل المرجله والكرم=ترحيبة ٍ تعبت الاقدام من شانها
الليله الليله الليله يبين النجم= لو يعترف فيه راضيها وزعلانها


معتق
دام البقا يا رجال ٍ مثل نار بعلم=ياقظاعه اللي تكرم كل ضيفانها
اما مشينا ورا ولا مشينا قدم=اختارها يا منيف وثبت اوزانها

منيف
الله يحييك واتبعها بحبة خشم=واخواننا حرب طبعا ترضي اخوانها
الدرب قدام يا حربي وشد العزم=الطايره ماتطيير بدون جنحانها


معتق
يامنيف تكرم يامال العافيه والشحم=النار لا ولعت لا يزيد دخانها
اللي بنى يا عرب مايشبه اللي هدم=قدمت لي حجة ٍ بيدي برهانها


منيف
انا يامال الشحم وانته يامال اللحم=هاذي بهاذي وذيك اغديت عنوانها
ظلمتم اللي بري وابريتم المتهم=اهبي يالبندق اللي تغر نيشانها

معتق
سلومنا طيبه لكن انت سلمك سلم=اثر بلي ماتخلي سلم عمانها
ترى العرب ماتعرف لغات كل العجم=وابواب ربي ماني واقف على بابها

منيف
يامعتق انت كفايه تاقف وتبتسم=والله يساعد على نفسي وشيطانها
ادخل على الله عن الفتنه لا تصل الحرم=ترى الخطر مقبل لمكه وسكانها


معتق
والله ما الومك لانك منته بمحترم=اببتسم دام انا واقف بميدانها
ترى الحرم فوقه اللي خالقك من عدم=يحميه من عالمٍ شاني ماهوشانها


منيف
لا طويت الصحف يامعتق يجف القلم=راحت هزال العلوم وجاتك سمانها
المسلم الصح دايم يرحم وينرحم= يا راعي البنيه اللي تغش سيسانها

معتق
المعتصم مات وانته مانته المعتصم=الطيبه عانها والثانيه عانها
حقوق الانسان راحت من وراها ختم= والمشكله فالطيور تقص جنحانها

منيف
كيف انتقم منك لكن ربي المنتقم=لا تلوم الاجواد منكم زايد جنانها
السابق اللي تفوز ولا قبلها الحكم=وش عاد لو نوخوها ومسوا بطانها

الموضوع الأصلي: معتق العياضي ومنيف المنقرة | | الكاتب: مشعل الخياري | | المصدر: شبكة بني عبس

[مشعل الخياري]

ارجو التفاعل

[مرشدالمظيبري]

مشكوررر على النقل المميزززز

[ناصر الخياري]

مشعل رائع لاتحرمنا من ابداعاتك .
تسلم يابو دخيل..

[مشعل الخياري]

لا لا لا شكر علي واجب أخوي مرشد

[مشعل الخياري]

الله يسلمك يأبوووووووو غازي

[فرحان]

مشكوووووووور

[ولد الشرقية]

مشكور اخي مشعل ويعطيك العافيه .