[مرشدالمظيبري]

[frame="9 80"]

السلام عليكم ورحمة الله وبركاته
هذه محاورة بين شاعرين من أكبر شعراء القبيلة لهم باع طويل في شعر المحاورة
وهم
دحيــــم الخياري.
فهاد ناصر القعبوبي.
وإليكم هذه المحاورة والتي جرت في عام 1425هـ أرجو أن تنال إعجابكم

دحيم:
باسم ابو بندر نرحب بالطراقي بالنيابــــه ** مرحبا حياكم الله عد براق المخيــــــــــــله
احسن عصور الزمن عصر النبوه والصحابه **واحسن الهرج الثمين اللي يباري له دليلــه


فهاد:
بارك الله بالرجال اللي لهم قدر ومهابـــه ** والحقوق مشرعه والحق ما نبغى بديله
هقوت أنك ماحصرت الزرع يا زراع طابـه ** كل يومن تعتزي وتقول فالباكر نجيلـــه


دحيم:
كان تطلب حق عان الشيخ رجلك عند بابه ** بعد بكره تعرض الدعوى على صاحب فضيله
الزمان الصعب طوعته وحققت الاصابـــــه ** جتني الدنيا على ما أريد منها كل ليـــــــله


فهاد:
ياكثر ما أخطيت يالصاحب ولافيها غرابـه ** مير أمشي غلطة الصاحب علشان القبيلــــه
والله أني ما زهمت الضيف من حفل القرابه** التخفي للضعوف اللي سوالفها فشيلــــــه


دحيم:
مايميز للخطا اللي كل ما يسري سرابــــه ** أعطنا الهرج الصحيح وخل عنك المستحيله
العرب قالو وانا سامع سوالفهم تشابــــه ** رح تعذر للرجال اللي يشيلون الثقيـــــــــله


فهاد:
أنت سمعنا السوال وعندنا رد الاجابــــه ** بعدها لا تقول قول الا محضرلي دليلـــــــه
ماتعرف العلم لين الذيب فيك يحط نابـــه ** يمكن أنك تعتدل وتصير خيــــال الاصيلـــه


دحيم:
ما يجيك العلم منا الا مثل نقش الكتابـــه ** في صدور الصخر ما يفنى لو سنينه طويله
أنت ذيب فيه ناب مناطحله ذيب غابـــه ** يقدر يزيلك عن الدنيا ولاتقدر تزيــــــــــله


فهاد:
من هو اللي قال هذا العلم ياشيخ العصابه ** الحمل كله عليك ولا لقيت اللي يشيلــه

[/frame]

الموضوع الأصلي: محاوره بين الشاعرين دحيــــــم الخياري وفهاد ناصر القعبوبي | | الكاتب: مرشدالمظيبري | | المصدر: شبكة بني عبس

[(*العرعري*)]

مشكور اخوي مرشد ع النقل ورمضان كريم

[المشعل]

محاوره رائعه بين شعراء كبار

لاهنت مرشد على النقل الرائع

تحياتي لك

[مرشدالمظيبري]

يعطيكم العافية على المرور

[ناصر الخياري]

لاهنت ,,
تسلم على نقل محاوره اعلام بني رشيد بالمحاوره ..
لاهنت يالغلا ..

[مرشدالمظيبري]

يعطيكم العافية على المرور

[سيف المهيمزي]

مشكور على النقل الله يعطيك العافيه

[مرشدالمظيبري]

يعطيكم العافية على المرور