[عبدالعزيز الخياري]

.................................................. .................................................. ..................................
.................................................. .................................................. ..................................

............... محاورة الشاعر ناصر الشويلعي و أمير الحرف في منتديات قبائل بني رشيد..........................
أمير الحرف

سلام الله سلامٍ يدخل الموقع ويلعب فيه=معا نبض القصيد اللي يشع الحرف نبراسه
سرى ليل الشعر واللي مهو عارفه لايسريه=ومن يقدر يقول احساسه يسافر مع احساسه

ناصر الشويلعي

هـلا يامرحـبـا ترحـيـب لــو اذنـيـك ماتوحـيـه=وانا مدري من اهـل الـدار والا نـاس عساسـه
سرى ليل الشعر وانته وش اللي تاخذ وتعطيه=يقـولـون الـعـرب ماينبـنـي بيـتـاً بـــلا سـاســه

أمير الحرف

عسى فيك البقا ياللي ترحب بس للتنويه=سواليفك ترددها بلا توضيف وسياسه
اخذت من الشعر تيهه واخذ مني جميع التيه=ترى الشعر الحقيقي موهبه مع عرف ودراسه

ناصر الشويلعي

اثر عينك تشوف ادرب لكن البلا تخطيه=سواليفي مرددهاعلومك ليـه مـن حاسـه
الايلي خذيت الشعر بيت الشعر ماتبنيـه=ماله داعي تعلمني وهـو معروفـةٍ ناسـه

أمير الحرف

اثر ناصر قليــّل عرف يركض دون أحد يدعيه=علومي غير منحاسه وعلمي دقت أجراسه
كتبت الشعر في وجه السماء من غير كيف وليه=وأخذت أبني معاني عنفوانه واسهر اغلاسه

ناصر الشويلعي

الايلـي دمـرة الحـرف ناصـر ماتشـكـك فـيـه=اله مبـدى والـه معنـا لكـن لاتقلـب الطاسـه
ترى محدن نشد عن ماكتبت ولا حدن قاريه=اليامنـك سبحـت البحـر جـا للبحـر غطـاسـه

أمير الحرف

ألا ياالأردني غسان مليونك محد يبغيه=ترى شعر العرب له ناس نقاده وحساسه
انا شعري يغنيه الزمن ولاّ أنت ماتغنيه=وإلى مني سبحت البحر أعود بدره وماسه

ناصر الشويلعي

ترى غسان دكتور الشعر والانت هيه وهيه=تطبـح فـي بحـر منتـه بعـارف كـم مقيـاسـه
نعرف الشعروالشاعر ونسمع ذكره وطاريه=لكن انته طبخت الشعر مثل اللي طبخ فاسه

أمير الحرف

ماعندك سالفه مادام هذا اللي تبي يابيه=وبحر الشعر اعرف اوتاده وميزانه وراسه
لك الله ماأنت عارف ويش معنى الشعر ياشاريه=ولا تعرف وش اسبابه ولا تلبس من الباسه

ناصر الشويلعي

انا ماني بحاجة مـن لطـم عينـه بـروس يديـه=وانا اشوف الموسوس ياجماعه زاد وسواسه
شهـاده منـك مطلبهـا وحتـى الشعـر ماتزكـيـه=تــراه يمـدلـي فنـجـال وانـــت يـمـدلـك كـاســه

أمير الحرف

رح لغسان يمكن بعد ماتتوسل وترجيه=يسلمك الزمام ويكسر الصاجه بمرواسه
أنا ماأزكي الشعر الركيك ولا أتدخــّل فيه=انا أزكي مثل شعري وشيطانه وهوجاسه

وسلامتكم.,,,

الموضوع الأصلي: د.غسان وناصر الشويلعي وأمير الحرف!!! | | الكاتب: عبدالعزيز الخياري | | المصدر: شبكة بني عبس

[الذيب]

بيض الله وجهك ياالمشرف عبدالعزيز الخياري

على هذا التنسيق بين شاعرين رائيعين.محاوره جميله جدا

صح الله السنتهم ابداع لايوصف وطاروق رائع


تقديري

[عبدالعزيز الخياري]

ووجهك ابيض يالذيب

تحياتي لك على مرورك

[ابواثنين]

بيض الله وجهك ياالمشرف عبدالعزيز الخياري

على هذا التنسيق بين شاعرين رائيعين.محاوره جميله جدا

[عبدالعزيز الخياري]

حياك الله يابو أثنين ولاهنت على المرور

تقبل تقديري

[الاجهر]

بيض الله وجهك يالمشرف

[بشيرالشويلعي]

الأخ عبدالعزيز :
هي حقيقة محاورة لا تعترف بالقبول أبدع ناصر وارتقى الشعر بحبكة أميرالحرف 0

سجل إعجابي بشاعريتهم على الرغم من جحودهم 0

[المسافر]

صح للسانهم جميييييييييعهم

:p :p