[أحمد عبيد الهنيدي]

بسم الله الرحمن الرحيم
السلام عليكم ورحمة الله وبركاته

هذه القصيدة بمناسبة حلول شهر رمضان أعاده الله علينا باليمن والبركات أهديها إلى أعضاء وزوار المنتدى

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياقلب مدري لا متى أزجرك وانهيك؟ = تعبت من زجرك وطالت خطاياك
مستقبلك خافي ومحفوظ ماضيك =واللي بقا من العمر يا قلب يخفاك !
العمر نصه راح وأنت بتماديك = ما اجزعك ما فاتك؟ وما جاك ما رضاك؟
ليا متى ياقلب غارق بأمانيك ؟! = ماشفت من يرحل من الناس ما ادهاك ؟!
ما تعتبر من كم قريب متعديك؟! = كم من قريب ومن بعيدٍ تعداك ؟!
ياقلب شيب الراس ما هو مكفيك! = والشيب بالعارض وبالدقن ما كفاك !
ياقلب تدري الموت ما هو مخليك = ياقلب والله لو نسيته ما ينساك
استغفر الله كن ما هو متقفيك! =لا والذي بالروح والدم مشاك
انه مثل ما جا لغيرك لياتيك = قبلك خذا يا قلب ذولا وذولاك
يا قلب قلي وش كثر زاد راعيك ؟= وش الزهاب اللي معه من عطاياك ؟
هلّ رمضان ان كان ياقلب يمديك = كان السنين اللي مضن معك ممداك
فرصة تكثف من جهودك لواليك =واخلص بما تعمل بجهدك لمولاك
لعل من غبات الادراك ينجيك =وتفوز برضا خالقك كانه أنجاك
عساه من حامي لظى النار يحميك = و في رحمته يرحم جنابك ويرعاك
أبطيت بالتسويف والموت قافيك = وش الزهاب اللي معك من عطاياك ؟

[/poem]

أحمد عبيد الهنيدي

الموضوع الأصلي: هلّ رمضان ياقلب | | الكاتب: أحمد عبيد الهنيدي | | المصدر: شبكة بني عبس

[ريتال الداموك]

أبطيـت بالتسويـف والمـوت قافيـك

وش الزهاب اللي معك مـن عطايـاك ؟

أبطيت بالتسويف والموت قافيك .....وش الزهاب اللي معك من عطاياك

وعليكم السلام ورحمة الله وبركاته
صح لسانك ولاهنت ...وجعلني وإياكم من عتقائه من النار ...

[ذيبان الرشيدي]

يالله حي أبن البويدي
وحي فاله ومنزاله
وصح الله لساانه ...

اطربتنا يالنشمي على جمال نظمك وتسطيرك
الله درك على هذه الرائعه

تُثبت

دُمت
بخيراً وعافية

[أحمد عبيد الهنيدي]

اقتباس من مشاركة ذيبان يالله حي أبن البويدي وحي فاله ومنزاله وصح الله لساانه ... اطربتنا يالنشمي على جمال نظمك وتسطيرك الله درك على هذه الرائعه تُثبت دُمت بخيراً وعافية

الله يبارك فيك ويرضى عليك


شكرا للاشاده بالقصيده

الله يعطيك العافيه مرورك شرف القصيده وصاحبها

[أحمد عبيد الهنيدي]

اقتباس من مشاركة رتال الداموك أبطيـت بالتسويـف والمـوت قافيـك وش الزهاب اللي معك مـن عطايـاك ؟ أبطيت بالتسويف والموت قافيك .....وش الزهاب اللي معك من عطاياك وعليكم السلام ورحمة الله وبركاته صح لسانك ولاهنت ...وجعلني وإياكم من عتقائه من النار ...

صح بدنك


اللهم امين يارب العالمين


شكر للمرور الجميل

[برق الوسم]

شاعرنا / أحمد البويدي
كل عام وانت بخير
وصح لسانك قصيده رائعه
تقبل مروري