[مروان الرشيدي]

مراحب

أسعد اللله مسائكم // صباحكم

بكل نقاء وطيبة قلب

اليوم جبت لكم أحدى قصائد وروائع البحر الميت الشاعر الفريد / عبدالله باتل الرشيدي

قصيده عظيمه في الطرح وفي البناء وفي الأسلووب فهذا الشاعر

ظلم أعلاميآ ولاكنه رغم ذالك أنتشرت قصائده وتعرضت لكثير من السرقات

في كثير من المنتديات

اتركم مع القصيده

سرى بليـل وبـرق وانغـام ونجـوم=وزرى على اللي مهتنـي فـي منامـه

جا حافلاً غربه مـن المـزن مـردوم=وشرقـه جـزر مـزنٍ تبـدد ركامـه

ساعه بفخت وساعـه أخـرى بعلجـوم=يقمـر ويديـجـر عجيـبـاً نظـامـه

بأرضٍ غطوشٍ سملقٍ مابهـا احـزوم=جبـوب سـبـروتٍ ملـيـحٍٍ ثمـامـه

يفهـم وفاهـم ومتفـاهـم ومفـهـوم=وان كنت منهـم فانـت عنـدك فهامـه

راودني الإحسـاس باسلـوب مظلـوم=وتوسلتـنـي عاطـفـه بانسـجـامـه

قامـن يحثنـي علـى سـر مكـتـوم=وابطى وصار إبـداع عقـب انكتامـه

لامفاخرٍفيـهـا ولانــي بمـوهـوم=ركبت ركوب اعقـال فـوق العمامـه

سبحـان رب النـاس حاكـم ومحكـوم=اللـي نهـاره يسلخـه مـن ظـلامـه

ربٍ عليـه الـرزق للصقـر والبـوم=مـراح رزق اغـراب يـم الحمـامـه

ياشامت اشمـت مـدرا عنـك مشتـوم=ولايجنـي الشمـات غـيـر النـدامـه

والـذم مايستخدمـه غـيـر مـذمـوم=ولاهي اطبوع ارجـال فيهـم شهامـه

ولاصار حقك عنـد غالـي ومهضـوم=عليـك تصعـب فـكـرة الأنتقـامـه

ولاجاك يشكيلك من الضيـم مضيـوم=ولـو جـاك يمكـن ماتحقـق مرامـه

وبعض الكلام ليانحبك حبـك مسمـوم=ودايـم يغسـل المـخ سحـر النمامـه

وكلش يروح وينسـي بعـد كـم يـوم=وكلش يسامح غيـر جـرح الكرامـه؟؟

وبالنـاس متعلـم ومحـتـاج تعـلـوم=وفيهـم بلـيـدٍ مايـسـوي طعـامـه

وظمير غايب عنـده اخبـار واعلـوم=جرب وشـاف وصـار عنـده لمامـه

ماتقعـد النمـات عـنـده ولاتـقـوم=وعـن قيـل والاقـال طـق اللجامـه

ماهمه الحرمـان لـو عـاش محـروم=الاليانـاظـر رشـيــق الـقـوامـه

أبو العيون السود والخصـر مهضـوم=خشفٍ تحت خـده مـن يسـار شامـه

هادي طبـع مافيـه خفـه ولااوجـوم=بكلمـتـه وبنضـرتـه وابـسـامـه

عفٍٍ عـن الهفـوات مكـرم ومحشـوم=يمشي واهـو واثـق ومرفـوع هامـه

مـن نـاس تحكمهـا تقاليـد واسلـوم=عبـقٍ ولبـقٍ خنـدريـسٍ غـرامـه

حبه شغفنـي شغـف جـارح لعيسـوم=وساوى الـدروب العـوج بلأستقامـه

ياما عليه أرقبـت فـي راس مزمـوم=ويامـا عليـه الجـرح طـال التئامـه

وعني بعيد وفيـه لااشـري ولا اسـوم=أبعد من سكاكـا عـن اقصـى تهامـه

ودعتـه آخـر يـوم وانكفـت مشئـوم=وانّــا تفارقـنـا لـيـوم القيـامـه

مشيت كللي حيـرت اهمـوم واغمـوم=وتركـت قلبـي عـهـدةٍ باستـلامـه

احـن لـه حنيـن كومـاً مـن الكـوم=شافت ولدهـا ذبـح باقصـا العدامـه

بين اربعـة شجعـان عجليـن وقـروم=ماتقومله مـن جـوه فـي شـر قامـه

اثنين طشـوا مايعسرهـم مـن اهـدوم=يبغـون عنهـم ينجـزونـه شمـامـه

وواحد بسرعه والحطب عندهـم كـوم=وواحد وقـود النـار والحمـس زامـه

قامـت تحـن وتلتفـت فيـه وتـهـوم=بعـد ايسـت والــذود لاذ بعسـامـه

ولا يحير امرٍ صار واضـح ومحسـوم=تحيـر بامـرٍ منفلـت مـن زمـامـه

ولا يصير غير اللـي مـن الله مقسـوم=وعلـى المقـدر ماتجـوز المـلامـه

وماقدر الوالـي علـى اللـوح مرسـوم=اصبر على المقسوم وارضـى انقسامـه

وحاول تصير بساعة الضيـق زيـزوم=وليـا حزمـت الشـي جـود احزامـه

وطير الحبارى يزعجه نـوب جرثـوم=ولااتفه مـن الجرثـوم غيـر انتقامـه

وجنـاح للبعـوض وللفيـل خرطـوم=ووش فايدتك بعـرف زرقـا اليمامـه

والذيب يبقى ذيب لـو صيـب بسهـوم=والثـور ثـور ولا يغـرك سنـامـه

وبالشده الأصحاب تعرف مـن القـوم=وكلن بوقـت الضيـق يعـرف مقامـه

ولاصرت لاعاقل ولا مخـرم اخشـوم=شخصيتـك تصيـر فيهـا انفصامـه؟

ومـن لايصلـي لايزكـي ولايصـوم=لوهـو بمكـه محرمـنٍ فـي احرامـه

وبيت العزاز يضل من حـر واسمـوم=وبيـت الـردى مبنـاه مثـل انهدامـه

ولافيه لهل الطيب واهل الردى اوسـوم=والمشكلـه لـو إن فيـهـم عـلامـه

والطيب ساس ونفع واصرار واعـزوم=ماهـو بكثـر فلـوس والا وسـامـه

ومن ماخدم ماصار فـي يـوم مخـدوم=وكـن تجيـه ألفـه وميمـه ولامــه

ووش جاب ريح المسك يانـاس للثـوم=والمعـرفـه وش جابـهـا للغشـامـه

لو قلت هذا الشـرق لإ نسـان منجـوم=يصير عنـده غـرب وقـت انجامـه

مالـك سـوى تنسـاه وتبعـد الحـوم=والمحتـرم حـقٍ علـيـك احتـرامـه

ومقطـع موسيقـى باغنيـه لأم كلثـوم=يسـوى رديٍ يبلشـك فـي خصامـه

وان انتصر منصور وان هزم مهـزوم=لازم تقـول النـاس هــذا عـلامـه

ماخلـو اللـي بالخلـى نـايـمٍ نــوم=جـوه اقعـدوه بخيـر مـدري شتامـه

ولاني بمـدح او ذم هالنـاس ملـزوم=أبغى السلامه كـان حصلـت سلامـه

والعمـر لـو طالـت لياليـه مايـدوم=لابـد مايفـنـى وتفـنـى عضـامـه

لابـد مـن يـومٍ يقولـون مـرحـوم=وبالمقبـره يدفـن مـطـوق بخـامـه

تفنى ولايبقـى علـى الأرض علقـوم=وبالشي يبـدا النقـص ساعـة تمامـه

مات الرسول اللـي مـن الله م=عصـوماللـي علـيـه الله ضـلـل غمـامـه

ولا خلت كسـرى ولا قيصـر الـروم=أصحـاب تيجـان الذهـب والزعامـه

عاشوا حقيقـه وانتهـت كنهـا احلـوم=وافنـت بعدهـم ناطحيـن الجهـامـه

ومهما وصلت بحال في حـال محكـوم=لو انت فـي دنيـاك صاحـب فخامـه

الله يـبـدل عــج الأيــام بغـيـوم=وتمطر بعـد ماهـي عجـاج وكتامـه

تم الكـلام اللـي مـن الفكـر م=لمـوموازكـى تحـيـه والـسـلام بخـتـام

"
"
"
أن شاء الله تعجبكم

تحياتي

الموضوع الأصلي: احدى روائع البحر الميت عبدالله باتل الرشيدي | | الكاتب: مروان الرشيدي | | المصدر: شبكة بني عبس

[وشلون مغليك]

مروان الرشيدي

يعطيك العافيه على القصيده الرئعه وصح اللسان الشعر عبدالله بن باتل لايسعني الا أن اقول تقبل اجمل مروري

[مروان الرشيدي]

نورت الموضوع وحياك ربي وتشرفت بك

يالفريدسي2

"
"
تحياتي

[شداد المظيبري]

صح لسانه ابن باتل
قصيده من اجمل القصائد

مروان يعطيك العافية ع الاختيار

[سالم الرشيدي]

صــح الســان

البحـر الميت احياااه عبدالله باااتل

وتحياتي لك مروااان الرشيدي

[المشاري]

صح لسانه ابن باتلقصيده من اجمل القصائدمروان يعطيك العافية ع الاختيار