[ابو عصام]

**- قصيده موجهه الى الاخ نواف دغمي الرشيدي*
************************************************** **********************
هات الرموت وقف الصوت توقيف
وانظر لبرقن بالسماء يشعل اشعال
واقفل صداء صوت الحسد والملاقيف
قدام لايصفق بي الجم بالجال
صوت الحسد فرق قلوب مواليف
لن الردي دايم على الناس يحتال
من عقب ما عدي بروس المشاريف
ا صبحت يا نواف من حال في حال
شي يشاف وشي بالقلب ماشيف
ولا تعرض الشكوى على غير رجال
الزم كلام الصدق مافيه تزييف
الحمل يا نواف فوق الجمل مال
حمل ثقيل فاق كل التكاليف
والحمل مال ولابقاء فيه معدال
قدام ليغني بها زيد ومنيف
اهل الحسد تطرب على كل موال
وترى الامورتسابق البرق بالصيف
وسبحان من يعلم خفيات الاحوال
سايرتها عيت تجيني على الكيف
والطيبه من طيب الجد والخال








مصلح سحيمان الرشيدي

الموضوع الأصلي: الشاعر / مصلح سحمان/ | | الكاتب: ابو عصام | | المصدر: شبكة بني عبس

[بدر حيي]

صـــح لسان الشاعر مصلح على القصيده الجزله
وننتظر رد نواف الرشيدي
مشكور ياابوعصام
على النقل