[مرشدالمظيبري]

سلام ياهل الحفل وابغى صفـوف يسمعنـى**ثم ازهموا لى على صياف يثبت فى مكا نـه

اللى يقابـل وسيـع المعرفـة مايستمنـى**اللى يبا الملعبة يقلط وله شيـك بضمانـه
صـــــــــيــــــــــاف
قلب المولع تولع فيـك ياصـوت المغنـى**لكن ابو زيد لولا الفيد مـا تعّـب حصانـه
انـا تبعـت الليالـى والليالـى عذبـنـى**والرجل يطلق لسانه لين يتعب فـى زمانـه
عــــــــــيــــــــــد
اليا كسبتـم عوايدكـم سباعـن يكسبنـى**ذا اليل قدمك جبل يابن العرب ماهـو ليانـه
انا مورى بكم يـوم السـو الـف ياصلنـى**والله لا قلد مغير الذيب وامشـى بمشيانـه
صـــــــــيــــــــــاف
كم واحد يحمس القهـوه ونجـره مايدنـى**مدرى يباهـا سياسـة غافيـه ولا لعانـه
اسمع كلامى وعلم بـه ورد العلـم عنـى**ان كان حصلت خاين قول له خـل الخيانـه
عــــــــــيــــــــــد
نجورنـا قلطـت يـوم النجـور يقلطـنـى**واهل القلوب الذهينه طيبها بـس الذهانـه
انا احسب ان المهندس قبل بالتصميم فنـى**واثره يبـوز مساميـر التريلـه بالسبانـه
صـــــــــيــــــــــاف
راع الغنم يزرع الحنـى ويعـرف للتحنـى**يشوفه احمر يحسبنه عصيـر البـر تقانـه
من راح زعـلان لعلـه يـروح ولا يثنـى**حتى لقينـاك يالبـارود وسـط الجبخانـه
عــــــــــيــــــــــد
الله يساعدك واللى غابن(ن) قلبـك غبنـى**من لحقه الحف يدهن شاربه بأتلى دهانـه
ليت الليالي عن اهـل المعرفـة مابرزنـى**اظني اكسب من اهل المعرفه عرف وحصانه
صـــــــــيــــــــــاف
قابلت شهب السباع مع الطريـق وقابلنـي**واللى قليبه صخيف كيف يلقى لـه متانـه
لعل قلب العنـا يصـل البحـور ويرجهنـي**اما صحى القلب والا امرجت فيـه الجبانـه
عــــــــــيــــــــــد
اناقريت الحيايـا الرقـط حتـى صاحبنـي**ولقيت درب الشجاعه خير من درب الجبانه
سبحت سبع البحور بقدرة الله مـا غرقنـي**والعرف ما هو يا راع المعرفه بالخيزرانـه

الموضوع الأصلي: من المحاورات القوية بين الشاعر عيد بن مربح والشاعر المرحوم صياف | | الكاتب: مرشدالمظيبري | | المصدر: شبكة بني عبس

[البعيد الهادي]

الله يمد بعمر ابو غريب ويحفظه
والله يرحم صياااف رحمة واسعه
ولاهنت اخي مرشد
ودمت بوووود

[المشعل]

الله يمد بعمر ابو غريب ويحفظه
والله يرحم صياااف رحمة واسعه
ولاهنت اخي مرشد
على النقل الراائع

تحيااتي لك

[مرشدالمظيبري]

يعطيكم العافية على المرور

[العالم الفلكي]

الله يرحم صياف ويطول في عمر ابوغريب

مشكور اخوي على النقل

[مرشدالمظيبري]

يعطيكم العافية على المرور

[سيف المهيمزي]

مشكور على النقل والله يرحم صياف ويطول في عمر ابو غريب

[مرشدالمظيبري]

يعطيكم العافية على المرور