[الـدولار]

هذه قصيدة من قصائد الشاعر ثامر شبيب الدقباسي واتمنى ان تنال الاعجاب

تعبت اقول لضيقتي سهـود ومهـود..... اليا متـى هالعـذر بيكـون عـذري

البارحة يـوم اكثـر العالـم رقـود .....عادت علي اللي تجي منيـن مـدري

الضيقة اللي كـل ماراحـت تعـود .....مكانهـا مابيـن قلبـي وصــدري

ناسٍ تنام مدهنـة فـي دهـن عـود..... وناسٍ تنـام مدهنـة بزيـت مقـري

لاواهني اللـي حلالـة مـن الـذود..... تسعين وضحى كل ماضـاق يسـري

يسـج معهـا كـل ماهبـت النـود..... يتبع مسيل السيل في القـاع يجـري

ماهوب مثلي من اقرب الناس مجحود..... الله يسامـح مـن طعنـي بظهـري

من راح ماكنه على القـاع موجـود..... مايدري انـه اول اسبـاب كسـري

كل ماطرالي قلت مـن قلـت الفـود..... ياليـت منهـو راح ماعـاد يطـري

لو تستحي من فعلها ايامـي السـود .....كان استحت مبطي ولا طال صبـري

قدمـت بالموجـود لخاطـر الجـود..... لين التفـت ولابقـى شـي حـدري

عطيت من عمري ولا شفت مـردود..... ياللأسـف للنـاس ضيعـت عمـري

واذا افرحوا واجد على طيحة العـود..... هذا دليـل انـه فعـل شـي يغـري

بوقف لحالي واتبع الطيـب والـزود..... اشره علي ان صغر الوقـت كبـري

ماني على بعض المخاليـق محـدود..... امـوت مانزَلـت للنـاس قــدري

للـشـاعـر: ثـامـر شـبـيـب الـدقـبـاسـي

الموضوع الأصلي: قصيدة طيحة العود للشاعر ثامر شبيب | | الكاتب: الـدولار | | المصدر: شبكة بني عبس

[قـرنـاس]

مشكور اخوي على النقل وصح لسان شاعرها ولاهنت يا الامير

[الشاعر المصيبه]

الدولار شكرا
وقصيده تمشي الحال