[صقر ابن عبس]

هذه المحاوره بين الشاعرين زايد ابن عدله والشاعر عبيد هني الرشيدي
في قرية عصماء يوم الخميس الموافق 4/6/1430

عبيد هني

مــرحبا يامرحبا يامرحبا بكل الجماعه
الصغير اله كلامي والكبير اله احترامي
ابتدا وقت التحدي وابتدا وقت الشجاعه
وابتدا الطاروق يازايد وصف اللعب قامي

زايد ابن عدله

البقا والذيب الاشهب عز نابه من ذراعه
مير سج الخيل واسر الليل ياعياش رامي
انت ضاري للكاعه مير انا عـــم اللكاعه
لوتشب النار تصبح ناركــم برد وسلامي

عبيد هني

يوم ابوك العود كب البيت واحرق بالزراعه
لاتلحقني مـــــــلام ولا نلحقكم مـــــلامي
كم واحـــــــــد قبل لايرفع يده نكسر كراعه
الله يرحم يافتى نواف ويعــــــــز الزلامي

زايد ابن عدله

ماعليه دام ابوك العود من ضـــمن اتباعه
ان بغوا يم اليمن والا يبون الدرب شامي
الخلا ياصاحبي نسمع ورى الوادي سباعه
كنت احسب انه زميلي ميرطالع لي حرامي

عبيد هني

صاحبي يطري عليه كل يوم وكل ســــــاعه
الوحيد اللي حداه الوقت يوم الوقت ظامي
يوم بعض الناس يمشي بالطريق بلا سناعه
والصفوف اللي استدارت يابيض الشارب حزامي

زايد ابن عدله

وش تبي به يمكن انه صايبه نقص المناعه
مير خل السالفه ياصاحبي مــسك الختامي
القناعه كـــــنز لايفنى ولا شفنا قــــــــناعه
وانت يمكن تصمل اعظامك وانا ترجف عظامي

ودمتم بود

الموضوع الأصلي: الشاعر زايد ابن عدله وعبيد هنـــــــــــــــــــي | | الكاتب: صقر ابن عبس | | المصدر: شبكة بني عبس

[نواف المثني]

محاوره جيده ومشكور على النقل
والله يعطيك العافيه
تقبل مروري وشكرن
والله الموووووووووووووووووووووفق

[ناصر الخياري]

تسلم ياصقر النقل الرائع.
صح لسان الشعار..

[مرشدالمظيبري]

محاوره جيده ومشكور على النقل
والله يعطيك العافيه
تقبل مروري وشكرن
والله الموووووووووووووووووووووفق

[سعدعايض]

أجـــــمل مافـــــي المــــــــــــــــــحاورة
عـبـــــــــــــــــــــــــــــــيـد
يوم ابوك العود كب البيت واحرق بالزراعه
لاتلحقني مـــــــلام ولا نلحقكم مـــــلامي
زايــــــــــــــــــــــــــــد
ماعليه دام ابوك العود من ضـــمن اتباعه
ان بغوا يم اليمن والا يبون الدرب شامي
صح الله السنتكم ياشعارنا المبدعين