[البدر المهاجر]

[FRAME="13 70"][GLOW="0000FF"]

يا صاحبي هذي السوالف مهي لي
عمر الصقر مـا هيبتْـه الحمامـة

أحدٍ يجي ويقابـل السـي بالسـي
أمـا انــا أقابـلـه بابتسـامـه

منهاج قلبي يرسمنـه لـه ايـدي
يعني يموووت ولايبيـع احترامـه

ما همنـي هـذي وهـذي ولا ذي
قلبـي يهيـم ولا يهينـه هيـامـه

يا حاجة الضميان في رشفة المـي
في موقـعٍ عيـت تشيلـه عظامـه

هي حاجتي بالضبط لأشعة الضـي
يمكن يودع بعـض ليلـي ظلامـه

تدري متى تبكي صديقك وهو حي
إذا دريـت إنـه يبيـع الكـرامـة

يا وي من وقت التعاجيب يـا وي
كـل ٍ يقـول أنـا زعيـم الفهامـة

اسمع كلامي وانتظر انطر شـوي
خل الملامه خـل عنـك الملامـه

إذا فقدتك أنت بالـذات مـن لـي
أبقـى وحيـد ليـا نهـار القيامـه

وإن جالك السافل يبي خوتك عـي
والله ليطلع لك من الطيـب شامـه

لا تعتذر ما تجتمع شمس مع فـي
عذر البخيـل إنـه كثيـرٍ صيامـه

قالوا من أول آخر علاجهـا الكـي
يمكن يفيـد الكـي مـع الرخامـة

إن جيت او ما جيت عادي ولا شي
موقف وعـدّا وانتهـي بالسلامـه

تدري متى تبكي صديقك وهو حي
والله ( قسم ) إن فارقتـه الكرامـه

[/GLOW][/FRAME]

الموضوع الأصلي: تدري متى تبكي صديقك وهو حي | | الكاتب: البدر المهاجر | | المصدر: شبكة بني عبس

[الولهان]

صح حص السانك اخوي
على هذه القصيده الجزله
:p :p :p :p :p :p :p
سجل اعجابي

تقبل تحيااااتي

[مهاجر بلا زاد]

قالوا من أول آخر علاجهـا الكـي
يمكن يفيـد الكـي مـع الرخامـة

إن جيت او ما جيت عادي ولا شي
موقف وعـدّا وانتهـي بالسلامـه

تدري متى تبكي صديقك وهو حي
والله ( قسم ) إن فارقتـه الكرامـه

صح للساااانك ولا هنت والله

[سعد بن عادي]

صح لسانك :p

[عويض الرشيدي]

اسمع كلامي وانتظر انطر شـوي
خل الملامه خـل عنـك الملامـه

إذا فقدتك أنت بالـذات مـن لـي
أبقـى وحيـد ليـا نهـار القيامـه

وإن جالك السافل يبي خوتك عـي
والله ليطلع لك من الطيـب شامـه


صح السانك ولاهنت

يعطيك العافيه


عويض

[المغرم اليائس]

ابداع متناهي واباء وعزة نفس كبيرة,,,

قصيدة استمتعت بمداعبتها لهجوسي الشعري,,,

اتمنى لك المضي قدما,,

وان لا تحرمنا جديدك00

[صاطي الرشيدي]

والله يابدر المهاجر وبدون مجاملة ا نها اروع من الرائعة ويعطيك العافية وابيات جميلة من شاعر غني عن التعريف




وتقبل تحيات اخوك ابن عبس صاطي الرشيدي

[ابواثير]

:p تدري متى تبكي صديقك وهوحي
اذادريت انه يبيع الكرامه
صح لسانك قصيده اكثرمن الرائعه,,,,,,,,,:p