[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر جحدر والشاعر صنديد الوغا

جحدر

ياسلام الله سلام إسـلام مـن تصميـم جحـدر=منهو اللي يعرف يصمم مثل جحدر سلامه
ياجماعة خير كيف الحال وأقرب شخص يحضر=لاحدٍ يدخل ويطلع لاسلام ولا ابتسامه

صنديد الوغا

ياهلا يامرحبا ماني على الترحيب مجبـر=ومانبي لك عرف ياللي ماعرفنا وش نظامه
حاضريـن وطيبيـن وقايليـن الله ُ اكبـر=والتهامي طول عمره ساكنٍ ديرة تهامه

جحدر

الحقيقة لـوّ مارحبـت ياصنديـد تعـذر=لن أبو عامين لاينهر ولا يلحق ملامه
ليش ياصنديد تال الوقت تسرق ثوب عنتر=الشجاع اللي يفض القوم ويخض الجهامه

صنديد الوغا

ياعرب ياقوم شوفو جحـدر الليلـه تكبـر=يحسبنه شاعرن جالس على عرش الزعامه
لو عطيتك من يميني ضربت ٍ صغرى تَعور=خابر الصنديد محدٍ قادرٍ يبطل صيامه

جحدر

التواضع مع سقاط المجتمع ماعمـره أثمـر=ياخشاش الأرض جحدر عنك مرفوعٍ مقامه
كيف تعطي من يمينك وانت خالقك الله أعسر=ماتجي بالعقل غير إن كان ماعندك فهامه

صنديد الوغا

منت وارد يابن خلق الله ولانت اللي مصـدر=ومن بعد مولدك ابوك اللي خسر مدري علامه
ياجماعه خير هـدو جحـدر الليلـه تكـدّر=وكل كلمة ثابته محدٍ مغير في كلامه

جحدر

ياولد خاله تباطا الليل وأبطا الصبح ما أسفر=مير وبّح فوق ظهر شعيل واطمر في سنامه
والله إني مابغيت أكسحك لكن وجهك أصفر=تستحق الكسحه اللي جتك مني والندامه

صنديد الوغا

تل حبل السانيه واصبر على التلات اصبـر=لين يصبح دربك امطول ولافيه استقامه
يارجال العرف هذا مايعرف العلـم واقشـر=يهظم احقوق البشر والظاهر إن فوقه غمامه

جحدر

أنت تبغى التلّ ياصنديد فوق الروض الأخضر=مير صار التلّ مطلع شمس من طعس الثمامه
ليش خاويت الجدي والاعوج وخليت الأجهر=كلبوهم ربع نفس الماركه نفس العلامه

الموضوع الأصلي: جحدر + صنديد الوغا | | الكاتب: العالم الفلكي | | المصدر: شبكة بني عبس

[بندر بن صبح]

صحت لسان جحدر وصح لسان صنديد الوغا


ومشكور على التنسيق يالعالم الفلكي

[صقر ابن عبس]

صحت لسان جحدر وصح لسان صنديد الوغا


ومشكور على التنسيق يالعالم الفلكي

[العالم الفلكي]

الجدي

صقر ابن عبس

مشكورين على المرور