[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه الحاورة بين الشاعر بعيد الهقاوي والشاعر الجدي

بعيد الهقاوي

هلا يامرحبا ترحيبتن تاصل جميع الناس=تراحيب الوفاء والعز لاهل العز نهديها
ترى سافرت يالشاعر وهمك تاخذ القرطاس=ورايه عبس ترفعها عزيزه بين اعاديها

الجدي

لعل الك البقا ياللي لبست الدرع هو والطاس=احد بالمال يشريها واحد بالمال يفديها
يبي يرجع وهو مامعه غار الحبر والكراس=وعينٍ ماتشوف الدرب لازم من يقديها

بعيد الهقاوي

هلابك ياصحيبي يالجدي ياجعل مابك باس=مصيبه مابها بيوتن جزيلات ونغنيها
حسافه ضاعو الحكام وصارت لعبت الحراس=وهذي كلمتي واهل العقول الهرج يكفيها

الجدي

انا مع صاحبي صاحي وخل الساس جنب الساس=وذي ديرة نصبحها وذي ديره نمسيها
ليامن ضاعوا الحكـام منهـو يستحـق الكـاس=يروح المركز الاول ويصبح هو بتاليها

بعيد الهقاوي

ولا ياصاحبي هذي علومً كلبوها افلاس=ولا تعنيني بحاجه ومثلك ويش يعنيها
اقول اسمع علومن ياصحيبي كنها الالماس=ابي بيوتن جزيله يعجر الغطاس يرويها

الجدي

مدامك انك تعرف العلم لاتبحر مع الغطاس=ونفسك ياوسيع العرف بالك لاتشقيها
ياراع الشاذلية ماحمست البـن فالمحمـاس=وشرهات العرب ترجع على من هو يقهويها

الموضوع الأصلي: بعيد الهقاوي + الجدي | | الكاتب: العالم الفلكي | | المصدر: شبكة بني عبس

[بندر بن صبح]

صح لسان بعيد الهقاوي وصح لساني


عز الله انك كفو يالعالم الفلكي للاشراف ولاعلي من الحكي


لك جزيل شكري وتقديري والله لايهينك على التنسيق

[الحجازي]

صح لسانك يا بعيد الهقاوي صح السانك يا الجدي محاورة شيقة الله يعطيكم العافية
وأنت يا العلم الفلكي نشكرك جزيل الشكر يا المشرف النشط

[العالم الفلكي]

اقتباس من مشاركة الجدي صح لسان بعيد الهقاوي وصح لساني عز الله انك كفو يالعالم الفلكي للاشراف ولاعلي من الحكي لك جزيل شكري وتقديري والله لايهينك على التنسيق

ماعليكم زود يالجدي ومشكور على المرور

[العالم الفلكي]

اقتباس من مشاركة الحجازي صح لسانك يا بعيد الهقاوي صح السانك يا الجدي محاورة شيقة الله يعطيكم العافية وأنت يا العلم الفلكي نشكرك جزيل الشكر يا المشرف النشط

العفو ومشكور على المرور