[هـآوي]

ياصاحبي سود الليال احرمتني
من شوفتك وأنت الوحيد بحياتي

صوبك إليا هبت هوى ذكرتني
اذكرك وأسلي شوي من ذكرياتي

مانمت ليلٍ فيه ذكراك جبتني
تشهد علي عيوني الساهراتي

كم ليلةٍ منك الهموم أذهلتني
وعلي ضاقت من جميع الجهاتي

ليت الليالي عنك مابعدتني
يابو عيون بالنظر ساحراتي

ارتاح لعيونك ليا قابلتني
وأسرح بدنيا عيونك الواسعاتي

بعيونك جبالٍ تقل رافعتني
تحتي نهر دجله ونهر الفراتي

وأشوف مثل السحب فيه أرهبتني
فيها بحورٍ سفنها جارياتي

وبعيونك ازهار الربيع أعجبتني
في روضةٍ وديانها سايلاتي

عفتك تعذيبي وبسمتك فتنـــي
وزولك يخيل لي وأنا في صلاتي

ومحبتك وسط المهالك رمتنــــي
ويمكن تصير أنت السبب في وفاتي

إن جيتك أدله والهموم أتركتني
وإن رحت منك أخفهٍ المسهـــراتي

يوم ازهمك كن القمر فوق متني
والشمس باقي ربع ساعه وتاتي

هذه سرقه جديده لشاعر عبد الله باتل وشوفو الروابط الي تدل على كذا
اول مره سرقة قصيدته الي يقول فيها سر ياقلم واكتب مالي على الصبر طاقه والحين جت القصيده هذي

http://www.mrame.net/vb/showthread.php?t=34489

http://www.gbayel.net/vb/t17336.html

http://www.mrame.net/vb/showthread.php?t=34489

الموضوع الأصلي: سرقه ادبيه جديده لشعراء بني رشيد | | الكاتب: هـآوي | | المصدر: شبكة بني عبس

[سيف المهيمزي]

السرق بالقصيده اكبر فضيحه
ومشكور

[JljJjJl]

مشكور أخي هآوي

ولاهي غريبة سرقة قصائد ابن باتل لأنها درر

[مروان الرشيدي]

هذا السرق يدل على ان قصائد عبدالله باتل تتميز بالجزاله وبروعة المفرداات


تسلم ياخوي على التنبيه .. وصح لساات شاعرنا البحر الميت



ولاهي غريبه على عبدالله الابداع

[عويض بن شامان بن خلف]

هذا السرق يدل على ان قصائد عبدالله باتل
المفروض يرفع على دعواءبوزارة لاعلام على السارق لحفظ حقوقه

[برق الوسم]

وصح لساان شاعرنا البحر الميت
وسرق قصايده يدل على تميزه
يعطيك العافيه على الايضاح
وتقبل مروري

[هـآوي]

مشكورين اخواني على مروركم المميز بصراحه انا دخلت القوقل ابي ابحث عن قصايده ودخلت على احد قصايده فا تفاجئة انها مسروقه ثم وضعة الروابط هنا لكي يرا الناس السرقه ويرجعونها الى اصحابها

[الفيصلي]

الكنز يسرق مالم يقفل عليه الصندوق والحفض في مكان اامن