[طلال محمد ناهس]

عسى مازعلتك البارح

عسى ما ازعلتك البارح وزودت الجراح جراح
عسى ما مرت الدمعة على أهدابك من أسبابي

جرحتك من كثر شوقي و خليت الكلام رماح
ولاأدري شلون ياعمري طعنتك حيل بعتابي

بدون شعور صدقني ترى كثر الغلا ذباح
تعال وشوف بغيابك غلاك شلون سوا بي

حرام تغيب من عمري وتعطيني الفراق وشاح
حرام الدمع في عيني مناديله هي أهدابي

غيابك يشغل عيون الزوايا و امتلي أشباح
وانا أنثر صوتك بقلب المكان وأشعل أبوابي

تلفت للأمل دام الرجا في عمري الملواح
أناديلك ولو شرهة وصولك تقطع أعصابي

أبيك الجاي من عمري أنا ماأبيك شي وراح
مدامك أجمل وآخر مدامك أول أحبابي

أبي أرتاح يا عمري أنا أدري هَم تبي ترتاح
تعال و قبل ما أفرح ترى تفرح بك ثيابي

أحبك يا بعد عمر الحزن والجرح والأفراح
أحبك كثر ما نامت عيونك داخل أهدابي

الموضوع الأصلي: عسى مازعلتك البارح | | الكاتب: طلال محمد ناهس | | المصدر: شبكة بني عبس

[العقاد]

يعطيك العافيه اخوي محمد ع القصيده الجميله وناطر جديدك انت شاعر جميل

تقبل تحياتي


جرحتك من كثر شوقي و خليت الكلام رماح
ولاأدري شلون ياعمري طعنتك حيل بعتابي

[برق الوسم]

صح لسان شاعرها
ولاهنت أخوي على نقلها
اسمح لي بنقلها للمكان المناسب هنا
تقبل مروري

[فهد العوضه]

يعطيك العافيه اخوي منتظرين جديدك ولك تحياتي

[البااارونه]

صح السانك اخوي طلال محمد ناهس على القصيده الرائعه

والله يعطيك العافيه

[الشاطئ المهجور]

صح لسان شاعرها
ولاهنت أخوي على نقلها
اسمح لي بنقلها للمكان المناسب هنا
تقبل مروري

[طلال محمد ناهس]

يسلمووووووو على المرووووووور الرئع

[الراايق]

صح السان شاعرها ولاهنت اخوي على النقل