[سالم الرشيدي]

موضوع القصيده ,, يتكلم
عن رواية
لبن فطيس محمد بن حمد المري
ويقول في رواية له,,
انه في يوم من الايام
وهو جالس مع ابوه وبعض اصدقاء ابوه وقرابتهم ويتبادلون..
الحديث والشعر

يقول واحد في الضيوف

ياجماعه انا حصلت لي ابيات مكتوبه في مكان ما واحب اطرحها عليكم
المهم ويقولون ,, تفضل:

قال :


أعلان للي مابعد جرب الحب *_*_* يترك طريق الحب قدر استطاعه
فيه الهنا ياتيك ساعه ويذهب *_*_* وفيه العنا ياتيك في كل ساعــه

المــــــهم

ابن فطيس يقول البيتين اعجبوه كثير وجلس يفكر فيهم كملو الجلسه ويوم جا بكره...
نفس التوقيت
في المجلس ايامها يقول ابن فطيس انه باقي بالاعدادية المهم
ويقول الرجال,,
ياجماعه انا حصلت البيتين اللي يقول عليهم فلان وقد انكتب عليهم مجاراة لها ابيات احب
اسمعكم هذي الابيات




يقول ابن فطيس:
أعلان للي مابعد جرب الحــــــــــــب *_*_* يسلك طريق الحب بس بشجاعه
فيه الوفا والغدر والصدق والكذب *_*_* وفيه الفراق وفيه شوق اجتماعه
حظك على حظك تشجع وجــــــرب *_*_* ان صبت والاغير تاخذ مناعـــــه

يقول...

ويضحك والده ويقول لمن هذي يامحمد قال لي طال عمرك

استغرب ابوه وقال عطني
هذي الابيات

يقول ويناوله الورقه ويكتب عليهاابوه ابيات







يقول حمد بن فطيس المري :
أعلان للي مابعدجرب الحــــــــــب *_*_* يترك طريق مايجوز اتباعـــــــه
مع الرجا والخوف والياس والذنب *_*_* لو دام وصله ماومنت انقطاعه
شيئ غريب يشاع بالشرق والغرب *_*_* تركه قلاع واتباعه قلاعــــــــه






اعجب احد الشعرا وكتب مجارات لهم :




أعــلان للـي مـا بـعد جـرب الـحـب


...............................يسـلك طـرق الحـب بــس بـقـناعـة


فية الجفا والوصل والطيب والغصب


...............................وكل(ن) على حالة وحسب انطباعة


قــال المثل يـا خوك اسـأل مـجـرب


...............................خــلك بعيد(ن) عـنة لـو قـرب باعـة
وهي مجاراة للشاعر ابن راعيه

الموضوع الأصلي: اعلان للي مابعد جرب الحب.. | | الكاتب: سالم الرشيدي | | المصدر: شبكة بني عبس

[فلاح الرشيدي]

سالم بيض الله وجهك
على النقل الرائع
وابن فطيس شاهدله شعره
لك ودي وتقديري

[منارة الذئاب]

سالم بيض الله وجهك على النقل والشاعر محمد بن فطيس شاعر بكل ماتحمله من الرقه وجمال وتقبل شكري وعرفاني ....

[سالم الرشيدي]

بيض الله وجيهكم على حضوركم المشرف

ولاهنتم

[مروان الرشيدي]

سالم يعجبني دائما ما تطرحه من قصائد شعريه


عند ذائقه شعريه عاليه وأهنيك عليها يامبدع


الف شكر لك ولا خلا ولا عدم



تحياتي لك

[رسام]

مشكور اخوي سالم على القصيده الرائعه وبيض الله وجهــك

[الـرونـق]

صح لسانه


تسلم سالم عالنقل الرووووووووعه



والله يعطيك العافيه

[زهو الايام]

سالم ليست غريبه عليك هذه الذااائقه العذبه المميزه..
تسلم يمينك..