[شموخ رشيديه]

آسف انا في جيتي لك تسرعت***ظنيت الاقي فيك شيٍ فقدتـــــه

كنت احسبك مجروح مثلي تولعت ***جربت فرقى شخص قلبك وهبتـــه

كنت احسبك من مر جرحك تجرعت***حبيت فيك احساس طفلٍ لمحتــــه

لو...قلت...اه بوسط روحي توجعت ***ولو شفت دمعاتك شعوري سكبتـــه

ولو تطلب اعيوني ابد ما تمنعت ***واعطيك قلبي لو بعد ما طلبتــــه

وصلت بك..... اعلى مكان وتربعت***وفي قلب غيري ياالغضي ما وصلتـه

واصبر على صدك واشوفك تدلعت ***واعطيك ود وما اظنك حسبتــــه

اذهلتني بطباعك اللي ...تطبعت ***حتى قصيدي فيك ابد ما فهمتـــه

لو كان غاياتك حروفي فانا بعت ***منك الشعور اللي بنفسي كتبتــــه

خل القصايد تنفعك يوم ودعت ***وافرح بجرح الشاعر الي جرحته

وأرجوك من صدك تراني تشبعت***خلك مع اللي عاجبك او عجبتــه

يكفي قهر في جيتي لك تواضعت***تركت غيرك لجل عينك وبعتــه

ياليتني عن حب مثلك... ترفعت ***ياليت قلبي قبل اعرفك دفنتـــه

لكن اب ابعد دامني ماتولعت ***الله يرحم حبنا اللي ذبحتـــــه

انا شريت الود والحين انا بعت***وانا عطيتك قلبي اللي قهرتـــه

في يوم جيتك اطلبك ود واقنعت***نفسي بانك شخص عادي عرفتـه

كمل حياتك مثل ما انا توقعت ***تبقى اسير الماضي الي فرضتـه

ولا يحزنك اني جبان وتراجعت ***حولك بدالي الف شخصٍ عجبتـه

اما انا لا يمكن اخضع ولا طعت ***يحرم على اعطيك قلبٍ خذلتــه

باريّحك من شوفتي يوم قاطعت ***اسلوبك اللي بة تجامل كرهتـــه

غلطان يا المقفي انا ماتتبعت ***غيري يتابع خطوتي ما تبعتــه

ما ينحني راسي لو اني تقطعت ***وما هو بنا من لا رميتة لقطتـه

وان كان غرك حكي عذالي وطعت***الله يعلم كيف قلبي سكنتــــه

اللي ملا قلبك علي وتسمعت***خله يعوض شخص مثلي خسرته

انا بما فية الكفاية تولعـت ***واللي بقى من قلب فيني حرقتـه

وان شفتني صدفة بعينك تطلعت ***ذكرتني با نسان غالي فقدتـــه

باول لقا سلمتة احساسي وضعت ***غلطت حياتي يوم قلبي سلبتـــه

واستسمحك في البعد كاني تراجعت ***ما عاد ابلقى فيك شي نزفتــه


أتمنى تعجبكم تحياتي للجميع

الموضوع الأصلي: آسف أنا في جيتي لك تسرعت ..!! | | الكاتب: شموخ رشيديه | | المصدر: شبكة بني عبس

[سالم المظيبري]

والله من دون مجامله قصيده رائعــه
تشكرين على هذ ا النقل
وصح السان من قالها

تحياتي

[ناويه]

ولو تطلب اعيوني ابد ما تمنعت ***واعطيك قلبي لو بعد ما طلبتــــه

وصلت بك..... اعلى مكان وتربعت***وفي قلب غيري ياالغضي ما وصلتـه

واصبر على صدك واشوفك تدلعت ***واعطيك ود وما اظنك حسبتــــه


يا الله يا لله وربي روووعه
تسلم الايااادي
شمووخ رشيديه
تصدقين لوانا مديره
على طوول
نائبه المديره
رووعه ورابي
تحياااتي لج
ناوويه

[مالك الصامل]

ياليتني عن حب مثلك... ترفعت ***ياليت قلبي قبل اعرفك دفنتـــه

الله

الله

الله
قصيده جميله وصح للسانــــكـــ...

دمت بــــــــــــــــــــــــــود..

[فلاح المهيمزي]

ولو تطلب اعيوني ابد ما تمنعت ***واعطيك قلبي لو بعد ما طلبتــــه
شموخ رشيديه
أنتي كلك شموخ
صح الله لسان االقايل مليون
وسلمت الانامل الناقله مليااااار
اهنيك على ذائقتك الرفيعه
ننتظر منك المزيد
لك ارق تحيه
عذب

[شداد المظيبري]

كنت احسبك من مر جرحك تجرعت***حبيت فيك احساس طفلٍ لمحتــــه



يسلموو


شموخ على الابداع والنقل الرائع

[ميلاس]

يسلمووووووووووو شموخ عالقصيده

ذوق في الأختيآر


‏_‏___________
كنت هنا

[عيون مؤمنة]

وأرجوك من صدك تراني تشبعت***خلك مع اللي عاجبك او عجبتــه

صح لسانك اخت شموخ دائما رائعة