[الذيابي33]

هاذي قصيده عجبتني
كلماتهاا رهيبه وقويه بس حلوووه
اتمنى تعجبكم وماتكون مكرره






7


7


7



البارحهـ جانيـ مـن :: الحـب :: مرسـالـ
من عقبـ ما بينـيـ وبينـهـ " خصيمـه "


وانا ترى في الحـب مانيـب :: فعّـال ::
ولا بعـد " ولّـع " بقلبـيـ هشيـمـهـ


ولا بعد غنّيتـ فـيـ ساعـة " وصـال "
ولا بعد ذقـتـ " الفـراق " وجحيمـهـ


ولا جرى دمعيـ على الخـد :: همّـال ::
ولابعـد جربـتـ " مــرّ " الهزيـمـهـ


حتى وردنـي تالـيـ الليـل :: جـوال ::
وانا على // شاهي " وبسكـوت ديمـه " //


الرقم _ بايخـ _ لكـن الصـوت _ قتـالـ_
كنه مثل صـوتـ المذيعـة " حليمـه "


قالت : مساء الخير يـا طيّـبـ الفـالـ
قلـت : رحبـيـ ترحيبـةٍ مستديمـهـ


بالعود " والصفـريـ " ودلـة " وفنجـالـ
واجبك يا : بنت الأصـول الكريمـه :


ردتـ بضحكة ثم قالت : وش الحـالـ ؟
قلت : اشهد إنـ الحال عقبكـ سقيمـهـ


قالت : وهي تضحكـ بعد مثل " الأطفال "
وانـا بعـد كنـي بدونـكـ " يتيمـه "


منـ يـوم قالتهـا : تزلزلـت زلـزال :
من فجعتيـ كنـي مسـوي :: جريمـة ::


قلت : ارفعي صوتكـ ترى مابه " ارسال "
" كـذاب " لكـنّـ المصيبـة عظيمـة


قالت : أقول اسمعـ ترى هرجنـا طـالـ
ممكـنـ تصاحبنـيـ ترانـيـ وسيمـه ؟؟!


واسميـ الحقيقي أولـ حروفـه :: الـدال ::
لكـن يسمّونـيـ البنـات " الزعيمـه :


صحيحـ أحب الفخفخة و : اعشق المال :
لكـنـ ترانـيـ : طاهـرة مستقيـمـة :


ما عنديـ امغازلـ ولا _لعب يهّـال _
ما عنديـ إلا في " الشرف " و " الحشيمـة "


بسـ الصراحة :: قلبي :: لشوفتـكـ مـالـ
واصبحت وحدكـ جالسٍ فيـ ::صميمه ::


فكّر بعقلكـ واتركـ : القيـل والقـال :
واحذر تطيعـ اهلـ : العقـول العقيمـة :


وارسلـ علي الحينـ " خمسميـة ريـال "
أشحنـ بهـا جـوال أختـيـ " غنيمـه "



أو" طقم غالي " فيه خاتـمـ وسلسـالـ
أروح بـهـ فـيـ : عـرس ولاّ عزيمـة :


قلت : الحقيقة مانيبـ رجـل أعمـالـ
ولآنـيـ بتاجـر والمـوارد عديـمـة


أنا الصراحة شبـهـ : عطّـال بطّـال:
وعلاقتـيـ بالفقـر جـداً " حميـمـة "


والراتبـ الله : يرحم الحـال : مـا زالـ
محـدود والمصـروفـ ربـي :: عليمـه ::


: والدين بـالآلاف : والبنـكـ شغّـال
ياكـلـ : فلوسـي بالربـا " و "الظليمـة :


و" السوق طايح " والغلا ضيّـقـ البـالـ
والموتـ والله صايـر اكبـر" غنيمـة "


قالت: تحمّلـ بـس والحمـل ينشـالـ
خلكـ شديد الباس : صلـب العزيمـة :


ياخيـ تصرّف جعلكـ تصيـر " نشّـال "
أهـم شـيـ إنـ " النوايـا سليـمـة "


لابد تفهمنيـ علـى كـل الأحـوالـ
ما دمت من أهلـ :: العقـول الفهيمـة ::


قلت: إيه والله فاهمـ اللي على البـالـ
لكن تـرى هـذيـ علينـا :: قديمـه ::


يا بنت هـذا صايـر اليـوم مـوالـ
لليـ تبي تلعبـ علـى " ابـن اللئيمـه "


يا بنت ما تدرين كـمـ فيـهـ :: محتـال ::
يلعبـ على الحبلين وانتـيـ " غشيمـة "


يا بنتـ كم منـ "جاهلة " دمعها سـالـ
من عقب ما جاتـ العواقبـ " وخيمـة "


والبنتـ لا اقفى عرضها بيد :: الأنـذال ::
والله مـا يبقـى لهـا أي قيـمهـ


قالت : تبي ولاّ فخلّك علـى جـالـ
مهوبـ ناقصـ نصايـحـ " حكيمـة "


عز الله إنكـ للأسف منـتـ :: رجّـال ::
وانك : قليلـ الذوقـ ما فيـكـ شيمـة :


// يا لعنبو اللي مـا يسطّـركـ " بنعـال "
حتـى يعلمـكـ " الغـزل " يـا " بهيمـه " //



:: تفو :: عليك وصكّت الخط في الحال
مدري :: تفو :: هي مدح ولاّ شتيمـهـ ؟!!

الموضوع الأصلي: يالعنبو إللي مايسطرك بنعال حتى يعلمك الغزل يابهيمه | | الكاتب: الذيابي33 | | المصدر: شبكة بني عبس

[شاعر الوطن]

قلت : الحقيقة مانيبـ رجـل أعمـالـ
ولآنـيـ بتاجـر والمـوارد عديـمـة


أنا الصراحة شبـهـ : عطّـال بطّـال:
وعلاقتـيـ بالفقـر جـداً " حميـمـة "

هههههههههه ياولد هذا شاعر مجنون وش اسمه

تفو :: عليك وصكّت الخط في الحال
مدري :: تفو :: هي مدح ولاّ شتيمـهـ

هههههههه بيت موتني من الضحك

شكرا على النقل

[الذيابي33]

يسلمووووووو بس ماعرفه

[الملثمه]

رووووووووووووووووووووووعه
والله روعه

[مروان الرشيدي]

فعلا ابيات قمة الروعه شاعر متزن


هناك قوه في ابياته وطرح رائع


الذيابي اخترت فأبدعت أهنيك على ذوقك



واصل ابداعك يابطل الى الامام يارب

[الملثمه]

الله يعـــــــــــــــــــــــــــافيكـ