[بعيدالمصابيح]

[FRAME="10 60"]




كيف الحال ان شاء الله في تمام الصحه والعافيه

هذا قصيده لشاعر كاتب الفديمه
ولقد اعجبتني وحببت ان انقلها لكم





البارح الافكار جتني كتايب=في ساعة ن وحده عليه تلا فن
والقلب هبت له شمال الهبايب=لين الضلوع الي على القلب لجن
ياقلب لاتسمع لكثرالغرايب=مافيه حاجه تشغل الفكروالضن
لاتستمع لمكثرين النشايب=بالله عليك لتستمعلي وتستن
سلبي ويجابي من جميع القرايب=ولاعاد تنشد هن ويش قاله هن
خلك مع الي يتعبون الركايب=الي ركايبهم على الطيب يمشن
اهل الكرم وطيب واهل النوايب=الي لهم باطيب سيوف ن يحدن
والعب وخل الوقت لعب وطرايب=قال المثل لاضقت ياصاحبي غن
انا ترى شعري يسوى عجايب=اكسيه من نوع الذهب واتفنن
شعري يعانق نايفات السحايب=مثل الرعود الي بغيمه يلجن
يروي ضمى جاهل وعاقل وشايب=فرايده ماهن مع الارض يمشن
فرايده شرد مهارن صعايب=ليا حضرن في جاش صدري يلوجن
يامكثرين الهرج ماني بهايب=وشعاد لو كثر السوالف يمرن
الشعر وهبه من عزيزالوهايب=الله ولا يعطيه ناسن مجنن
حده مثل حد السيوف الرهايب=الي يقصن العظم حين يهون
كم واحدن نمهن ضلوع حطايب=ومن الردى فيه القصايد يغنن
وكم واحدن حطت عليه النصايب=وبيوت شعره بلوازم يعدن
وتمت بذكرالي يفك الكرايب=الواحد الي خالق الأنس والجن
[/FRAME]

الموضوع الأصلي: الشاعر كاتب الفديمه الرشيدي | | الكاتب: بعيدالمصابيح | | المصدر: شبكة بني عبس

[برق الوسم]

صح لسان شاعرها
وناقلها واسمح لي بنقلها بالمكان المناسب هنا
تقبل مروري وتقديري

[خاتم الرشيدي]

صح لسان شاعرها وسلمة انامل ناقلها

[سالم المظيبري]

صح لسان شاعرها ويسلم ناقلها

[وسام عبس]

صح لسانك اخوي لاهنت تقبل مروري

[بعيدالمصابيح]

الله يعطيكم الف الف الف عافيه وشكر لكم على المرور العطر

[امير الحرف 2]

شكراً لك اخي الكريم

[مرشدالمظيبري]

صح لسان شاعرها ويسلم ناقلها