[فهد العوضه]

على كثر العيون اللي اضحكت لي مابكت لي عين
بكيــــــت ولا لقيت لدمعتي عيـــــــــــــــن تواسيني

غرقــــــــت ولا لقيت لصرختي منهو يمـــــد ايدين
تصوبني سهـــــوم الموت مره والـــــــف تخطيني

انا وحظي رجعــــــــنا كل منا خالي الكفـــــــــــين
على كيـــــــف الدهر من وين ما يمشي يوديــني

ذبحني جرحي اللي ثار بي وادما من الصوبــــين
بلاني وين اولي به .. لعب في حسبــــــة اسنيني

خطاي اني وفيـــت وماعرفت العب على الحبلين
خطاي اني اذا حبيــــــــت احب بكــــــــــل مافيني

نعم باقي من عيــــــــــوني لعينك الف دين ودين
لو اجمعها جـــــروح الناس ابقلبك ما تكفيـــــني

ابد ما اتعبه كـــــــذاب والله وصاحب الباليــــــن
وش اللي اذكره بالخــــــير منك لاجل تهدينـــــي

انا تدريــــــن ربي ماخلقني اتبـــــع المقفيــــــن
وربي لو رجعــــــت بكلمتي لاقطع شراييــــــني




اتمني تعجبكم مثل ما عجبتني
منقول

الموضوع الأصلي: الشاعر المعروف علي مساعد | | الكاتب: فهد العوضه | | المصدر: شبكة بني عبس

[رشيدية جدة]

خطاي اني وفيـــت وماعرفت العب على الحبلين
خطاي اني اذا حبيــــــــت احب بكــــــــــل مافيني

نقل مميز الصراحة تقبل مروري

[فهد العوضه]

اشكرك على مرورك وتذوقك للقصيدة تقبل تحياتي

[الشاطئ المهجور]

يعطيك العافيه أخي فهد على النقل الجميل /
وننتظر الجديد لشاعر على مساعد
تحياتي لك

[مريف الرشيدي]

يعطيك ربي اااااالف عافيه
على التميز والحضور المشرف

أخو ك / عم الجميع

[االعدهي الرشيدي]

صح لسان شاعرها وناقلها.....
تحياتي

[فهد العوضه]

يمراجب اشكر الجميع على المرور

[فلاح الرشيدي]

يعطيك العافيه أخي فهد على النقل الجميل /
وننتظر الجديد لشاعر على مساعد
تحياتي لك