[عبدالله الراشد]

،،

ياسيد عروق نبتي ، وثمرة طلعي=مال العذر وجه اقابل فيه تقصيري
ياخذني العز والخوه واصل ربعي=وان شح صوت الوفا(ماشح تعبيري)
ان كنت زعلان كف الشر ..لاتدعي=انا علي نيتي... وبنفس تفكيري
شكلي حكمت وظلمت العدل في شرعي=وصعب ارسمك وانت شي فوق تصويري
من كثر مارتاح لك جيت وبكا دمعي=رحلّت رجلي قبل ترحل مشاويري
عيبي لاحبيت احد حبي مثل طبعي =وحتي لو اضيع ماهو صعب تدويري
من هرجة العاقل اشطب نص ياسرعي =ومن فم جنوني خذ الحكمة (ومن غيري)
ان كان مرضاك حتي عذري الشرعي=ابلش لاضاع الحطب في وقت تجميري
ماني علي كل حال ان قلت مستدعي=هرجٍ طلع من ضمير (وضيّق صديري)
ياللي لاشفتك بقلبي (يبتسم ظلعي)=خطاك قــلل حلاك وزاد تكـــثيري
في عينك اشوف نفسي واحترم وضعي=وشوفك علي اغصان عيني من عصافيري
ماقلت لليل .. شي ولاعلى شمعي=مع احترامي ، ومع شكري ، وتقديري
مالي من الربع غيرك ياثمرة ربعي=ومال الخطا باب ..(وش دخل معاذيري )

،،

الموضوع الأصلي: الخوة واصل ربعي | | الكاتب: عبدالله الراشد | | المصدر: شبكة بني عبس

[ولد عبس الرشيدي]

صح لسانك ياعبدالله

وان شح صـوت الوفا(ماشـح تعبيـري)

تصوير ممتاز يابو ملهي

صح لسانك

[برق الوسم]

عبدالله الراشد
اولاً-مبروك نجاح الامسيه في هلا فبراير
ثانياً-صح لسانك دايماً لقصائدك حضورها كحضورك المشرف دائماً
ثالثا-ً اسمح لي بتثبيت القصيده
تحياتي وتقديري

[الـرونـق]

ياللي لاشفتـك بقلبـي (يبتسـم ظلعـي)


صح لسانك

[عبدالله الراشد]

ولد عبس
شكرا لك على نثر عطرك الجميل

اتمنى لك التوفيق

[عبدالله الراشد]

اقتباس من مشاركة برق الوسم عبدالله الراشد اولاً-مبروك نجاح الامسيه في هلا فبراير ثانياً-صح لسانك دايماً لقصائدك حضورها كحضورك المشرف دائماً ثالثا-ً اسمح لي بتثبيت القصيده تحياتي وتقديري

الله يسلمك ويبارك فيك يابرق الوسم
شكرا لمشاعرك الجميلة تجاهي

[سهم عبس]

صح السانك ياعبدالله الراشد
والله يوفقك ياااااااااارب
وانشاء الله الى الامام
وتقبل تحياتي
اخوك سهم عبس

[خالد القلادي]

عبدالله الراشد ،،، صح لسانك وصح ابداعك وعلا شانك

تقبل تحياتي يالذيب ،،،،

/
/
/