[آهــذريــبــك]

ودعتك الله لو على قلبي اخطيت<*<*<*
وحاربتني من دون ذنب وخطيّه

احسبك تذكرني إذا اصبحت وامسيت<*<*<*
واثرك على فرقاي نفسك هنيّه

الله اكبر كيف عنّي تخلّيت<*<*<*
من بعد ما علقت روحي البريّه

وش غيّرك وش بدّلك ليه صدّيت<*<*<*
وانت الذي بالقلب نبض وهويّه

من هو بقى لي بعدما عنّي اقفيت<*<*<*
وقدمتني للحزن اثمن هديّه

كلش تخيلته ولا يوم ظنيت<*<*<*
إنك لحد غيري ولانتاب ليّه

ويلك من الله كيف بالحب ضحّيت<*<*<*
قلبك حجر ما حنّ يومٍ عليّه

اللي بنينا بْعمر في يوم هدّيت<*<*<*
واحلامنا ما عاد منها بقيّه

اتعد غلطاتي إذا يوم زليت<*<*<*
من دون مدري .. وين ذيك الحميّه

مافيه معصوم الخطا لو تحريت<*<*<*
ولا فيه كامل غير رب البريّه

ولو ما احبك ما نشدتك ولا اطريت<*<*<*
بعدك وصدك وانتخيتك نخيّه

ترجع لقلبٍ يوم بالعقل حبيت<*<*<*
وتترك هل الأحقاد واهل الوشيّه

خايف عليك وخايفٍ منك ياليت<*<*<*
مايوم حبيتك وصرت الضحيّه

لا نيب حي بعد هجرك ولا ميت<*<*<*
ولا ني مريض ينعرف بالشكيّه

لكني ادرى بحالتي لا ترديت<*<*<*
ولا ينفع الملتاع طبه وكيّه

مالي سوى اللي كلما راح ناديت<*<*<*
يا كود يسمعني ويرجع إليّه

الموضوع الأصلي: الله وأكبر كيف عني تخليت | | الكاتب: آهــذريــبــك | | المصدر: شبكة بني عبس

[مرزوق العجوني]

صح لسانك اخوي وتقبل مروري

[التانجو]

مشكور حاكم على النقل الجميل

دائمآ مبدع

وتقبل مروري

[ابو سامي]

صح لسانك اخوي وتقبل مروري

[ابراهيم المدينه]

حـــــــــــــــاكم
صح لسانك

[ლ..عذبة الاطباع..ლ]

وااااااااااااااااااااااااااااااااااااااااااااااااا اااااااااو

صح لساانك اخوووووي

بصراااحه قصيده معبره تسلم طاال عمرك

اختكـ

[مريف الرشيدي]

صح السانك يعطيك العافيه

[أبن علي]

صح لسانك قصيدة رائعة تقبل مروري