[البعيد الهادي]

(( نواف العازمي ))
+
(( عيد بن مربح ))


** نواف :

يا عيد انت في رأسك علوم وسواليف

ولكـن مـال الحمـل منـا ومنـا

ياليتك تحل الوضع يا معزب الضيف

وبكره تروح المشكلـة عـن وطنـا

** عيد مربح :

تقوله بعد عيت تجيلك على الكيف

ليا وسوس الرجال وندق وغنـا

ليا صار ما تقدر تعـد المشاريـف

ياليتك جلست بمجلسك ما تعنـا

** نواف العازمي :

أقوله وانا ادري بالحقيقة من الزيف

ولا صابنا وسواس من يوم كنـا

ليا صاروا العقال مثل الملاقيـف

عزلنا ضعنكم ما مشى مع ضعنـا

** عيد مربح :

لا ضاقت على بعض الرجال المحاريف

ضربنا الخطوط الواسعـة وأوسعنـا

يا نواف لا تثر عليـك السواليـف

ليا ضفت تلقى زادنـا فـي صحنـا

** نواف العازمي :

وأقول العلوم الكايده والمواقيف

تزين وتشين ولا لها غير حنـا

لو إنا نبيها تالع النـار باليـف

حسبنا حساب المشكلة ما ومنا

** عيد مربح :

ينوض السحاب ويمطر الوسم والصيف

وعقـب المحـول فياضنـا يخضرنـا

تراني على ما فـات مالـي تحاسيـف

وبعض العلوم العـوج مـا زعزعنـا

** نواف العازمي :

أنا أشوف مبداها عجاج وعواصيف

لكن الخطا يا عيد مـا هـو بمنـا

الموضوع الأصلي: محاورة عيد بن مربح .. ونواف العازمي | | الكاتب: البعيد الهادي | | المصدر: شبكة بني عبس

[المعزب]

لاهنت يالبعيد الهادي

[العقاد]

مشكور اخوي البعيد الهادي على النقل

[عيسى العرعري]

يعطيك العافيه

وبيض الله وجهك على النقل الرائع

ولا هنت وسلمت يمينك



تحياتي

[ابو بيان]

البعيد الهادي بيض الله وجهك
واذا فيه محاورات للشاعر عيد بن مربح والشاعر نواف العازمي رحمه الله عليه غير هذه المحاوره لاتبخل علينا فيها وتقبل تحياتي اخوك ابو بيان

[(*العرعري*)]

أخوي البعيد الهادي مشكور يالغالي على النقل وانا توجد لدي محاورة صوتيه لعيد بن مربح ونواف العازمي وأبومشعاب وسوف ترى النور قريبا

[مشعل الخياري]

يعطيك
العافيه
يالـبعيد الهادي

[abu eessa]

يعطيك العافيه

وبيض الله وجهك على النقل الرائع

ولا هنت وسلمت يمينك