[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر ابوعوجه والشاعر المهم1

ابوعوجه

ياعضيدي في ليالٍ مرها يسبق حلاها=سوقها والوسم والشاهد على ورك المطيه
دارت الايام والدنيا بعد تدرج رحاها=والمهم اني عرفت الي معي واللي عليه

المهم

يا عضيدي ماعلينا نعرف البير وغطاها=ذب صوتك ذب صوتك بالحون السامريه
كان بقعا تالي الايام تومي في عصاها=قلها انا واسمينن خدها بالجاهليه

ابوعوجه

الكتابه تتعب اللي مايعرفها لاقراها=واعرف ان الشاوري بكياسنا والنار حيه
عبس من قبل النبوه ماحدن يقرب حماها=من قرب لحدودها يارد على حياض المنيه

المهم

الجمال اللي تراغا لا تلفت في رغاها=مارغت ياغير من رص الحمول العالميه
عبس ركن من ركون الكون ويذري ذراها=يفخر التاريخ فيها والحروف الابجديه

ابوعوجه

الجمال اللي بدون اوسوم جاها ماكفاها=كل ماجاني جمل هامل قرنته في خويه
عبس عظمى كم قبيله انطوت داخل لواها=اسمع اعلوم المؤرخ واشرب من الشاذليه

المهم

ارضعت من ديسها مخلوق ماهو من حشاها=ونتفخ بطنه ولد العين مجهول الهويه
وبو عوجه علمه والنار تحرق من وطاها=وبو عوجه في نهار الضيق يكفي عن سريه

ابوعوجه

العجوز اللي رضعها واحدٍ ماهو نماها=قام يشمت ياصيقي بالعجوز الاجوديه
والعطيه ماكسبنا خير من رجلٍ عطاها=احسن المحسن ولكن عودت حسناه سيه

المهم

الطيور اللي تناغط من خلاها في خلاها=يعلم الله مالها هيبه ولامن مقدريه
في ضمايرها سواد ونزل الله مستواها=ولتوى فيها ابو عوجه بالسلال النافعيه

ابو عوجه

والله اني عارف العله وللعله دواها=لين ابين علة اللي فيه عله باطنيه
صار مثل مقيط يوم الدلو قفاها رشاها=واخر الاخبار صار مقيط في وسط الهبيه

المهم

وكل الله والدعاوي عارفينن منتهاها=والسبب منك انت عند الكسب تعطيه الحذيه
الله انه لا يواخذنا ولا نردي رداها=والرديه لو يزين الوقت مرجعها رديه

ابوعوجه

ماعلينا دامه اللي سبب العينه عماها=انكب حظه وضيع بين ذيك وبين ذيه
صدق من قال الحرار اللي مايعرفها شواها=كيف يتجراء ويقرب للحرار ابن الحديه

وسلامتكم وصحت السنتكم ياشعار

الموضوع الأصلي: محاورة بين الشاعر ابوعوجه والشاعر المهم1 | | الكاتب: العالم الفلكي | | المصدر: شبكة بني عبس

[العقاد]

يعطيك العافيه اخوي العالم الفلكي وفالك مشرف منتدى المحاورات المنسقه

[العالم الفلكي]

اقتباس من مشاركة العقاد يعطيك العافيه اخوي العالم الفلكي وفالك مشرف منتدى المحاورات المنسقه

الله يعافيك و فالك الخير انشاء الله

مشكور على المرور والتعليق

[سهــــــــــيل]

ارضعت من ديسها مخلوق ماهو من حشاها
ونتفخ بطنه ولد العيـن مجهـول الهويـه
.........................................

العجوز اللي رضعها واحدٍ ماهو نماهـا

قام يشمت ياصيقي بالعجوز الاجوديـه

ياسلا عليكم وصحت ألسنتكم شعار ما فيكم حيله

أشكرك يالعالم الفلكي على تنسيق المحاوره الرائعه ،،،،،،،،

[العالم الفلكي]

اقتباس من مشاركة سهــــــــــيل ارضعت من ديسها مخلوق ماهو من حشاها ونتفخ بطنه ولد العيـن مجهـول الهويـه ......................................... العجوز اللي رضعها واحدٍ ماهو نماهـا قام يشمت ياصيقي بالعجوز الاجوديـه ياسلا عليكم وصحت ألسنتكم شعار ما فيكم حيله أشكرك يالعالم الفلكي على تنسيق المحاوره الرائعه ،،،،،،،،

مشكور على المرور والتعليق

[خالد العجوني]

صح السان الشعراء

و الله و كبر على هالبيتين منك يا المهم 1 ابيات يسجلها التاريخ لك في مشوارك الشعري

الجمال اللي تراغا لا تلفت فـي رغاهـا

مارغت ياغير من رص الحمول العالميـه

عبس ركن من ركون الكون ويذري ذراها

يفخر التاريخ فيها والحـروف الابجديـه

[فهد القلادي]

محاورة مميزة وفيها من الابداع والجزالة
ومشكور يالعالم الفلكي على التنسيق لهذه المحاورة