[عيسى العرعري]

سين واحد جميعا

نبارك لاخواننا واخواتنا اجازة الذهب الاسود

اكثر اللي استفادوا من ارتفاع سعر البترول .. اصحاب الفسح

<<< حقد موظف بشركة أهلية

ويهدي الطلاب في جده للمسئولين بهذه المتاسبة اغنية
( ياعيني حظنا تعبان .. ده مهما نسوي مابيبان.. نسيتنا واحنا في جده ونسيت ايامنا الحلوة )

نرجع لموضوعنا

وقفة اولى

يدخل ( أحمد ) الى الاستراحة شايل هموم الدننيا على راسه .. احمد بطبعه انسان بسيط بين شلته .. يجي للاستراحه ويطلع مايقول الا كلمتين ( السلام عليكم وتصبحون على خير ) ... طيبة القلب عنده هواية مو طبع .. اول مايدخل احمد عند ربعه وهو معبس ومتكدر .. يسلم ويقعد بركن لحاله .. يلقط ( سعود النجيس) حالة أحمد المتغيرة ..
ويقوم ويجلس جنبه .. ويبدا يتكلم بنبرة هادية حنونه .. ( اخبارك ابو حميد؟) ... يرد احمد وماله خلق يرد .. شفيك ابو حميد صاير شي؟؟ .. لا ماصار شي .. ياولد وربي حالتك غريبه اليوم؟؟ قم قم بس ناخذ لفه بالسياره وفضفض لاخوك بدل ماتشيل هالهم لحالك .. يستاذنون الاثنين ويطلعون بسيارتهم .. فضفض يابو حميد وين الضحكه الخجولة الاولى وين الخاطر الزين كذا ماتسوى ريال بصراحه يابو حميد .. اااااه ياسعد خلها على ربك ولو ماننت عزيز وغالي ماقلت لك بس تكفيني وقفتك معي اني اطلع الي بصدري يمكن ارتاح هذا امس وانا قاعد مع المدام ونقلب القنوات وتمسك معها على قناة هي تبيها وانا ابي اشوف برنامج احتريه بقناة ثانية .. كلمه مني وكلمه منها وعناد من هنا وعناد من هناك وتاخذ الريموت وتحلف ماغيره .. قمت وطقيتها طق مو طبيعي .. اعترف اني غلطان ياسعد بس طلع خلقي ولادريت عن حالي الا وانا ماسك شوشتها الولح فيها يمين ويسار .. المهم انها دقت على اخوها يجي ياخذها وحالفه ماترجع البيت وطالبه الطلاق .. سعد:لاحووووول وانا اقول وينك لك كم يوم ماجيت طيب وش صار .. ماصار شي مصره عالطلاق حتى اخوانها يقولون تخسي ماترجع لك وبتطلق ورجلك فوق رقبتك.. ( سعد) والله وانا اخوك اعز ماعندك كرامتك وزين انك ماجبت منها عيال عشان ماتبلش بهم .. اللي ماقدرت تتحملك من اول هواش هذا وانت انسان حبيب الله لايردها .. ياسعد وش تقول انت هذي زوجتي واحبها وابيها.(سعد)وش حبه انت الثاني مابقى الا تقول ياحسوفة الشموع اللي مشتري درازن منها انثبر بس وخل عندك كرامه وارم الثلاث وربك يعوضك اللي احسن منها .. ياسعد ورب ياحبها ولا راح القى مثلها .. سعد قصدك انها حلوة وجميله؟؟ اذا هي حلوة وجميه لهالدرجه اجل الموضوع يختلف.. ايه ياسعد اذا الدعوه جمال ماراح القى مثلها ياخي صعب تلقى بهالوقت مثل هالجمال وانا متزوجها والخطاطيب عليها ماسكين سرا اقوم افرط فيها الحين وفيه اشياء ثانيه ياسعد لو اسولف لك وربي ماراح اوقف .. ( سعد) خذ راحتك ياخوي انا صندوقك المقفل افا بس عليك يابو حميد هذا وانا اعز اخوياك وعصاك اللي ماتعصاك ...
وقام احمد يهل السوالف والسوالف والسوالف والخصوصيات وخصوصيات الخصوصيات .. وسعد كله اذان واقامة صاغيه

( بعد شهرين )

احمد وزوجته يتمشون بالفيصليه

.. ويشوف خويه سعد مع اثنين من اخوياه .. وتجي العين بالعين .. وتبدأ لغة العيون والخصوصيات التي اصبحت عارية
..

ويااحمد ماندري بكره وش ممكن يصير اذا طق الحديد الحديد وتهاشوت انت وسعد على صكة بلوت

وقفة ثانية

ساره فتاة تتميز بقوة الشخصية .. الكل يهابها من سلاطة لسانها .. اذا عصبت تباع واقيات الاذن بكميات غير محدودة في جميع صيدليات المملكة .. تقدم لها واحد وجتها امها وحاكتها بالموضوع .. ولد ناس ووظيفة محترمه ولايعيبه لا شكل ولا مال .. تحمست ساره لرجل حياتها اللي يدق ابواب قلبها بكل قوة .. نبهتها أمها لشغله مهمة .. انك ماتقولين ياساره لأي أحد قريب والا بعيد عن هالخطوبة والرجال اللي متقدم وهذا طلب اهل الولد وطلبنا احنا لين تتم الامور كلها على خير .. مشت ساره عالنصيحه اول اسبوعين .. بعدها جتها وحده من خوياتها وكلمتها عن خالها انه يتقدم لها ( سوالف بنات هاليومين لابغت تضبط خالها مع صديقتها

) .. بدت ساره ترتبك وهي تعتذر لصديقة عمرها اللي لقطت ان فيه شي ورا الكواليس .. بدت تصر عليها انها تقول لها وش صاير جديد والا بتخسر صديقة عمرها للابد ( ياذي صداقة العمر ودت عالم بخبر كان
) .. قامت ساره تفضفض لصديقتها عن هالخطيب الجديد وعن مواصفاته الغير طبيعيه .. وش الوسامة وش العيلة .. قالت صديقتها تكلمينه انتي ؟؟ قالت لا مع ان رقمه عندي بس مافكرت للحين اكلمه احس صعبه شوي لو اسويها قبل الملكه مع انه مطلع رقم جديد عشاني انا . طيب متأكده ان شاب بهالمواصفات ياسوير ممكن انه ماكلم احد قبلك؟؟ ليش ماتختبرينه ؟؟ اذا هالشهبان والبزقات تلقين جواله كله يبدا باسم ( أم فلان) اجل وش تقولين عالوسيم .. نصيحة صديقتك اختبريه قبل تتوهقين بواحد صايع ضايع .. طيب شلون اتاكد ؟؟ . عطيني رقمه وانا اجيب لك قرار قراره وانا صديقتك الصدوقه كل اسراري وكل اسرارك عندنا ان كانه لعاب عطيتك خبر .. لا ماقدر اسوي كذا وش اعطيك رقمه لا ابد ماقدر ... ياسوير انتي عصبيه وانتي عارفه هالشي بكره تشوفين عليه شي تثور قيامتك الا الرجال مطلقك .. خذي لك واحد عاقل محترم يسترك وش لك بهالاشكال اللي ماهمها الا هالعلاقات .. عطيني بس رقمه وانا باتصل عليه مره وحده من هالمره باتاكد لك كانه يستاهلك والا لا ؟؟ .. عطت سوير صديقتها رقم زوجها المنتظر .. وكل اللي سوته صديقتها مسج صغير للرجال ( هذي اللي بتأمنها على بيتك من اولها قامت توزع رفمك الجديد )

الوقفات تطول وتطول وتطول

هل نحن ممن يقدم الخصوصيات على طبق من ذهب لمن ينتظر ان يكشف قطيفة المخمل عنها ؟؟
هل نسلم النقاط الحرجه في حياتنا لمن يجعل هذه النقاط خطوطا متعرجة تترنح فيها حياتنا مدة طويلة ؟؟

هل نثق بكل من حولنا؟؟؟ ام نصدق بمقولة من مأمنه يؤتى الحذر ؟؟

تحياتي للجميع

</STRONG>

الموضوع الأصلي: وش اخــبار أختـــك و زوجــــتــك ؟؟ ... بخـــير ويـــسلمون عليـــك | | الكاتب: عيسى العرعري | | المصدر: شبكة بني عبس

[الضرغام]

أهلا وسهلا بك أخوي // عيسى

وشكراً علي هذا الموضوع الجميل .. الذي يتكلم عن قصة حياة أشخاص

وأري أن هذه المواضيع تكون في منتدى القصص ..هو المكان المناسب لها

وبهذا قلت تقبلوا تحياتي .. ولك أجمل التحية وتقدير

[رواية]

سلمت أخي على هذا الموضوع الجاد

أخي نعم المشكله موجوده وبتوسع
(خاصه من قبل النساء)

فكثير من المتزوجات تفشي أحداث خاصه بينها وبين زوجها لصديقاتها
(بقصد الفضفضه)أو لسبب آخر وهو أن تقهر زميلتها بمعاملة زوجها لها
متناسيه أن ما تقوم به هو أقصر الطرق للطلاق
كما أن ذلك يترتب عليه مشاكل اجتماعيه ونفسيه
وقد حرم الاسلام افشاء الاسرار الزوجيه لما له من عواقب وخيمه
وأحد الاسباب أنه قد يؤدي الى الغيره والحسد من قبل المستمع
أو قد تكون ثغره يدخل من خلالها من في قلبه مرض (مثل صديقة ساره)
فالاسرار الزوجيه لابد أن تكون في طي الكتمان لا يطلع عليها أحد
ففي حديث النبي صلى الله عليه وسلم أنه قال: "إن شر الناس منزلة عند الله يوم القيامة الرجل يفضي إلى امرأته، والمرأة تفضي إلى زوجها فينتشر سرهما"

[الغزاله]

موضوع راق لي كثيراً
تسلم يديك

[عيسى العرعري]

اقتباس من مشاركة الضرغام أهلا وسهلا بك أخوي // عيسى وشكراً علي هذا الموضوع الجميل .. الذي يتكلم عن قصة حياة أشخاص وأري أن هذه المواضيع تكون في منتدى القصص ..هو المكان المناسب لها وبهذا قلت تقبلوا تحياتي .. ولك أجمل التحية وتقدير

هـلأ وغـلأ اخوي // مشكور على مروورك
// بنسبه للموضوع/// بيني وبينك انا يوم اني انزلت المضوع// كنت مواصل يعني// سهران مفتح عين ومغمض عين
// يمكن أ نــي غلط بلعنوان
/// مشكور اخوي على مروورك // نورت صفحتي//
تقبل تحياتي

[عيسى العرعري]

اقتباس من مشاركة الغزاله موضوع راق لي كثيراً تسلم يديك

يعافيك ربي // يسلموو عليى مروورك//


// مشكور ه على مروورك
/// تقبلي تحياتي

[عيسى العرعري]

اقتباس من مشاركة طيف المشاعر سلمت أخي على هذا الموضوع الجاد أخي نعم المشكله موجوده وبتوسع (خاصه من قبل النساء) فكثير من المتزوجات تفشي أحداث خاصه بينها وبين زوجها لصديقاتها (بقصد الفضفضه)أو لسبب آخر وهو أن تقهر زميلتها بمعاملة زوجها لها متناسيه أن ما تقوم به هو أقصر الطرق للطلاق كما أن ذلك يترتب عليه مشاكل اجتماعيه ونفسيه وقد حرم الاسلام افشاء الاسرار الزوجيه لما له من عواقب وخيمه وأحد الاسباب أنه قد يؤدي الى الغيره والحسد من قبل المستمع أو قد تكون ثغره يدخل من خلالها من في قلبه مرض (مثل صديقة ساره) فالاسرار الزوجيه لابد أن تكون في طي الكتمان لا يطلع عليها أحد ففي حديث النبي صلى الله عليه وسلم أنه قال: "إن شر الناس منزلة عند الله يوم القيامة الرجل يفضي إلى امرأته، والمرأة تفضي إلى زوجها فينتشر سرهما"

الله يا زيـــن الي حـــــــظرت غطــــــــت على كــل الحــظوور .... طــله علينـأ وانوورت ما عقب هنور نـوور
/// اختي //طيف/// كــلأمك كله حكم// بس ما قوول غير ما ندري عن نويـأهم
/// مشكووره أخــــتي على مروورك//
تقبلي مرووري

[نمر فهد بن براك]

مشكور على الموضوع تقبل مروووووووري