[الـرونـق]

>
> > قصيده بنت كانت تطالع واحد بعين قويه
> >
> > المهم الرجال طلع شاعر وما قصر
> >
> > عطاها كم بيت عشان تتأدب
> >
> > لكن المفاجأه هي ؟؟؟ـ
> >
> >
> >
> >
> >
> >
> > كل شبر بهالوسعيـه ملـك ربـي تعلميـن
> > وأعلم إن اللي خلقني هو خلق لـك هالعيـون
> >
> > لكن انتي من جلستي وانتـي فينـي تحدقيـن
> > كن ما به ناس غيري بهالكراسـي يجلسون
> >
> > لو سمحتي عاد أسمعي وحتى لو ما تسمحيـن
> > المهـم اللـي بقولـه تسمعينـه ويسمعون
> >
> > عالأقل ليا نظرتي سـوي روحـك تستحيـن
> > غضي طرفك مثل غيرك خوف ربعي يلمحون
> >
> > الركادة عاد زينة والحياء فـي البنـت زيـن
> > وفيـك جآزم لا ركـادة ولا حيـاءٍ يـذكـرون
> >
> > تعرفينـي ؟! أعرفـك ؟! ماأذكـر إنــا ملتقـيـن
> > لا أعرفك من تكوني و لا تعرفي مـن أكـون
> >
> > وإطمأني إن كان قصدك بس فينـي تشبهيـن
> > ما هـو أنـا إلي تعرفيـه والبشـر يتشابهـون
> >
> > ما دريتي من التشابـه يخلـق الله أربعيـن
> > وأعرف أربع يشبهنك بـس والله يستحون
> >
> > وان كان قصدك شي ثاني عاد قولي وش تبين
> > خايف إنا نصير فرجة وإللي مااشتروا يتفرجون
> >
> > واذا ببالك عاجبتنـي لا يحوشـك تحلميـن
> > صح ربعي من جمالك فيـك صـار يمدحـون
> >
> > بس وش لي في حلاتك دام فيهـا ترخصيـن
> > حشمة البنـت وحياهـا والكرامة يلفتون
> >
> > ولو توفر فيك هـذا مـع حلاتـك تبشريـن
> > ما هو أنا ألف غيري بـاب بيتك يطرقون
> >
> > وش علامك رغم كل اللي أقولـه وتسكتيـن
> > مو طبيعي هالسكوت وهالبرود وهالسكون
> >
> > إنتـي خرسـا أسألـك ولا منتي تسمعيـن
> > قالوا ربعي ذي كفيفـة قلـت لا لا تمزحـون
> >
> >
> >
> > لين شفتك يوم رحتـي يمسكونـك باليديـن
> > ما دريت إلا عيونـي أربـع أربع يذرفون
> >
> > آه ياني منه مشهـد يـوم شفتـك ترحليـن
> > جيت اشوف عيون ربعي لقيت الكل يدمعون
> >
> > قلت سنة هالحيـاة وحـنا ترانـا مؤمنيـن
> > الله اللـي مسيّرنّـا بيـن كاف وبيـن نــون
> >
> > وكل ابونا نختلف مع إننا مـن أصـل طيـن
> > سبحان يلي مصورنا ولله في خلقه شؤون
> >
> > يعني حنا كل أبونـا عـاد إسمنـا ابن ادميـن
> > وليا قضى ربك أمر وقـال لـه كن فيكون
> >
> > فينـا يلـي رازقه خيـر رب العالمـيـن
> > وفينا يلي هو لعطفه بحاجة القلـب الحنـون
> >
> > وفينا يلي مـا شكـى مـن علـةٍ كالآخريـن
> > صـمٌ و بكـمٌ و عمـيٌ فـهـم لا يفقـهـون
> >
> > بس قليل عـاد فينـا للنعـم هـم شاكريـن
> > والله يرزق هالخلايق من حيث هم لا يعلمون
> >
> > وتدرين عاد يالكفيفة حنا تراى متشابهيـن
> > وإن ماانعمت ابصارنا قلوبنا هـم إللي يعتمـون
> >
> > يالكفيفة يالعفيفـة إن قلـت آسـف تقبليـن
> > يغفر الله ذنوب عبده اذا خطا وهـل تغفـرون

ملطووووووووووووووووووووووووشه

الموضوع الأصلي: قصيــدة لبنــت كانـت تنــاظر واحــد بعيـــن قــوووويـــة..!!! | | الكاتب: الـرونـق | | المصدر: شبكة بني عبس

[ولد حايل]

> >
> > ما دريتي من التشابـه يخلـق الله أربعيـن
> > وأعرف أربع يشبهنك بـس والله يستحون
> >


الله ابداااااع

واعجبني البيت هذااا

يسلمووووا الرووونق

[ابو سامي]

مشكوره اختي الرونق على القصيده

[العالم الفلكي]

صح السان شاعرها

وتسلم يدين لاطشها

[الـرونـق]

اقتباس من مشاركة ولد حايل > > > > ما دريتي من التشابـه يخلـق الله أربعيـن > > وأعرف أربع يشبهنك بـس والله يستحون > > الله ابداااااع واعجبني البيت هذااا يسلمووووا الرووونق

شاكرة لك حضورك الجميل

[الـرونـق]

اقتباس من مشاركة ابو سامي مشكوره اختي الرونق على القصيده

شاكرة لك حضورك الجميل..

[برق الوسم]

صح لسان شاعرها
وتسلمين الرونق ع الطش ذوووق
تقبلي مروري

[منصور غنيمان]

صح لسان شاعرها
وتسلمين الرونق ع الطش ذوووق
تقبلي مروري