[سعد الشقل]

السلام عليكم

رباعيه مابين مطير وعتيبه
جمعت
ملفي المورقي وحزام العصيمي مع زيد العضيله وتركي الميزاني
وأتمنى أن تحوز على أعجابكم


تركي
يارفاقة خير طال الليل والدعوى طويله
رتبوا صفينكم واللعب ماهو كل ليله
والزناد يشب ناره لالمس خشم الفتيله
وأن بغيت الصدق ماشال البيوت ألا عمدها

رتبو صفينكم والليله الدعوى طويله * * * أبتدا حسم المواقف وأبتد القاف الرباعي

زيد
ياعتيبه قابلونا وأهرجوا هرج الصراحه
ولانبى منكم ليا كبرت سوالفنا سماحه
كل طيرن نجدته لاجا مطيره من جناحه
وأن بغيت - - - - - -

الرجال لها حدود وتركة الواجب فشيله * * * أهرجوا هرج الصراحه مال بعض الهرج داعي

ملفي
الكلام اللي تقوله قلته البارح لحالي
قبل لاتبدا السراير بين الأقصى والموالي
وأنت لاتبكي ليا ناظرت في سود الليالي
وأن بغيت - - - - - -

ياصحيبي ياصحيبي سرها باحسن وسيله * * * الفتى مافي يدينه علم وأمر الله مطاعي

حزام
أستوا الميقاف والمعنى على فني وذوقي
يامطير حقوقكم تثبت وأنا باخذ حقوقي
الله اللي قطكم مابين برقاوي وروقي
أن بغيت - - - - - -

ياطويل العمر تال الوقت مابه مستحيله * * * الله اللي حول الغزلان في حلوق السباعي

تركي
أنت ياملفي علومك كلها ماهي غريبه
يالصحيب اللي ليا قفى يسولف في صحيبه
والشكوك بعيد ماتاصل مطير ولا عتيبه
وأن بغيت
- - - - - -
كل واحد ياولد مزيد عرفنا وش حصيله * * * والحضيض اللي يسفركم على النقل الجماعي


زيد
لاحصل منا قصور ولاحصل منكم خطيه
والرباع تشاف معروفه مثل سن الثنيه
والمواجه ياعتيبه من عصور الجاهليه
وأن بغيت - - - - - - -

ياعتيبي جتك حمى تتبع الحمى مليله * * * والعرب ماتجهل بس الثنيه والرباعي

ملفي
انت ياتركوه سارن طول ليلك منت داري
عن تحاويل الطريق وعن جديدات الكباري
مار فارقنا مع البيدا وخذ زيد المطاري
وأن بغيت - - - - - -

جنبوا عنا ترا العتبان وطيتهم ثقيله * * * وأنت ماتصلح هجوم وزيد مايصلح دفاعي

حزام
أن بغيتوها مزوحن عابره والستر دايم
وأن بغيتوها تحدي أقربوا والحظ قايم
ويش تذكر عام الأول يوم عصبنا العمايم
وأن بغيت - - - - - - - -

أنت شمسك للغروب ومقفيه مافيك حيله * * * مير هيا ودع المطران قدام الوداعي

تركي
أنت ياملفوه نارك خمدت ماحتر جمرك
والأمر للواحد المعبود وأنت يرفض أمرك
وأنتبه للأوله والثانيه لا طال عمرك
وأن بغيت - - - - - - - - -

الوعد قدام والما ماتغطيه النثيله * * * والحقيقه يالعتيبي مايغطيها القناعي

زيد
يالثنين الله يعوض فيكم الروقه وبرقى
كل واحد مع ملفات الهدا ينزل ويرقى
وأن بغى يغزي سواة الناس يركب فوق زرقا
وأن بغيت - - - - - - -

قالوا أن حزام سافر قلت يامقرب مقيله * * * ليلتن يبن الشراع وليله يهد الشراعي

ملفي
أنت ويا زيد قومن لاهنا ولا هنيا
عندكم علم يدور بروسكم والحظ عيا
حظكم فوق الثرى وحظوظنا فوق الثريا
وأن بغيت - - - - - - - - - -

أنت تدري أنا عرب ماناخذ الدعوى بحيله * * * نحتميها باللسان وبالضلوع وبالذراعي

حزام
زيد تال الوقت ياشعار مايكتب مايقرا
أحسبنه معه مال وصار من شعار فقرا
وأن غزا مثل العرب مايغزي ألا فوق خضرا
وأن بغيت - - - - - -

أن غزينا مانجيب الفيد من كف بخيله * * * مانعود لين ناخذ جوخة الشيخ الشجاعي


تقبلوؤ تحيتي

الموضوع الأصلي: محاوره رباعيه مطير وعتيبه | | الكاتب: سعد الشقل | | المصدر: شبكة بني عبس

[أنكسارحلم]

مشكور اخوي سعد على هذا النقل الرائع

لمحاورة شعراء لهم الباع الطويل في مجال المحاوره

تسلم .طال عمرك


ارساله وصلتك والا باقي



تحياتي

[*العبسي*]

مشكور وماقصرت

على هذه المحاورة

[عبدالعزيز الخياري]

رباعيه رائعه واختيار رائع منك اخوي سعد الشقل

تقبل تحياتي

[بشير العايضي]

مشكور وماقصرت

محاااوره جدآآ متميزه كماا أنت متميزززز اخي الكريم

الف شكررررر
جهد رااائع

[سعد الشقل]

اقتباس من مشاركة ناصر الشويلعي مشكور اخوي سعد على هذا النقل الرائع لمحاورة شعراء لهم الباع الطويل في مجال المحاوره تسلم .طال عمرك ارساله وصلتك والا باقي تحياتي

حياك الله اخوي ناصر الشويلعي

لا والله الرساله باقي عليها يمكن السبت انشالله توصل


شاكر لك المرور

[سعد الشقل]

العبسي ....... عبدالعزيز الخياري ....... العايضي


لولاكم ما عرفنا التميييز


شاكرر لكم مروركم الكريم

[البحر الاحمر]

مشكوووووووووووووووووور