[سعد الشقل]

الكابتن

الليله المعنى ثقيل أثقل من إجبال السرات=يعنى بمعنى آخر من اللي يستطيع يواكبه
والشاعر اللي مايعرف النجم ويدل الجهات=يرتاح لا يشعب ذلوله ويغـدي باالذاهبـه

بحر الخليج

ياراعي المعنى وراع الطيب هات العلم هات=واحسب جنيهات الذهب يالصيرفي بالحاسبه
انت الدليله وانته الكابتن تعـرف الطايـرات=وان ضعت بالرحله مدير امن المطار تخاطبه

الكابتن

ياالله عساك الطيب اللي جامع ٍ كل الصفـات=اللي يعر ف حقوق غيره ويعرف وش واجبه
إربط حزامك وإستمع للترجمه بأربع لغـات=أما القياده في يـد الكبتـن ويفتـل شاربـه

بحر الخليج

اي بالله ان الطيب عندي والعلوم الغانمـات=ولاهو قصورن بالرجال اهل العلوم الصايبه
برعاية الرحمن والركاب يرجـون النجـاة=يالله عساها رحلة(ن)فـي منتهاهـا طايبـه

الكابتن

خلك معي ماقول فيك قصور مافيهـا سبـات=الليله اللي جابتك بيضـاء ولا هـي خايبـه
بسم الله الرحمن من فوق السحاب الحايمات=والناس في رجوى الوصول الها قلوب ٍ ذايبه

بحر الخليج

ليا متى وانا معـك ونجـوم ليلـك غايبـات=ضاع الكتاب اللـي علشانـه دعانـا كاتبـه
ترى المزون اللي مطرها صيف مايطلع نبات=لو الرعد والبرق شفته فـي عيونـك لاحبـه

الكابتن

الله يعينك لشرحولك وتضحلك خافيات=إتعاتب اللي علمك ولا القصيد إتعاتبـه
إتشوفها صيفيه وفيها النياق مربعـات=المزن وسمي والبدو حالت لبرقه قاطبه

بحر الخليج

نقراء الكبار من العلوم ولانشوف الهينات=نبدع طواريق(ن)جديده مانشيـل الشايبـه
مابه نياق مربعات ولاذكر فيهـا حيـات=ماشوف غير العج عاصب والجمال السايبه

الكابتن

أنته بحر والبحـر فوقـه يدرجـن العابـرات=مايصيـر تزعـل والبحـر ماتزعلـه ركايبـه
ياصاحبي بوصيك وانته مؤمن من اهل الوصات=الشمس ماهي غايبه لا تقـول عنهـا غايبـه

الموضوع الأصلي: الكابتن × بحر الخليج | | الكاتب: سعد الشقل | | المصدر: شبكة بني عبس

[الاكـحــل]

سعد الشقل مشكور على التنسيق وصح لسان الشاعرين على هالطاروق المميز