[فيصل الرشيدي]

الاجهر

البحر الاحمر ينتظر ماينتظر=والله لاخليها على عليهم صرمدة
وانا رشيدي في بلاد ابناء رشيد =والى عقد روس الحبال ايحلها
يامرحبا وقبس علامات الخطر=والبيت ما يبنى بدون الاعمدة
تباء تفيد انا بعد منك استفيد=والى عقد روس الحبال ايحلها

البحر الاحمر

البحر الاحمر طاش موجه من عصر=واليا صفق موجـه يطـم الاسمـده
وانا بعايدكـم مـع الفطـر السعيـد=واللي عقـد روس الحبـال يحلهـا
دام البقـا والدمـع يشبـه للمـطـر=والجفن ما يلمـس ليـا زاد رمـده
وجتك الرسايل من طرف ساع البريد=واللي عقـد روس الحبـال يحلهـا

الاجهر

صد المدافع يابحر علم وخبر = البحر لامنه تلاطم نعمدة
العيد راح وتابع العيد الجديد = والى عقد روس الحبال ايحلها
يحقلك تفخر بنا وانت الفخر = وضيف حناء نكرمة ونسددة
مد الثمينه وترك المد الزهيد = والى عقد روس الحبال ايحلها

البحر الاحمر

لله في خلقه قضـاء(ن) مـع قـدر=لكـن تريـح واعبـد الله واحمـده
ومن مات في موجه يبي يحسب شهيد=واللي عقـد روس الحبـال يحلهـا
أفخر برمحـي كـل ماسـد النحـر=ماقول فيك قصور والبيـت انشـده
والموت يجري دايم بحبـل الوريـد=واللي عقـد روس الحبـال يحلهـا

الاجهر

ابنشدك عن عزوتك يابو مطر=والعقد مبرم لاتحـاول تعقـدة
والعد الازق كل ماينزف يزيـد=والى عقد روس الحبال ايحلها
قبل المعرفة مانقرر لـك شبـر=والزرع لامنه تمايـل نحصـدة
في الدرب هذاء مايخاويني عنيد=والى عقد روس الحبال ايحلها

البحر الاحمر

أنا من سيوف(ن) يقصن الظهر=أهل الروايات الصحاح المسنده
حفيد حافظ سر (أبا القاسم) أكيد=واللي عقد روس الحبال يحلها
الرجل يوزن هرجه بليا نظـر=ويحدد بهرجـه ويسنـد لبلـده
وأنا ماخاوي كل شيطانن مريد=واللي عقد روس الحبال يحلها

الاجهر

هذاء حذيفـة عزوتـي والمعتبـر=من ساس عبس معمرة ومشيـدة
الله يرضـى عنـه ونحبـة اكيـد=والى عقد روس الحبـال ايحلهـا
علرفت عنك علوم وانت من البشر=لاكـن يازيـن الـدروب معبـدة
يبقى عليك الفخذ يالقرم العضيـد=والى عقد روس الحبـال يحلهـا

الموضوع الأصلي: التنسيق النهائي لمحاورة الاجهر والبحر الاحمر | | الكاتب: فيصل الرشيدي | | المصدر: شبكة بني عبس

[ابواثنين]

مشكور اخوي فيصل علي النسيق الرائع
محاوره قويه بين الاجهر والبحر الاحمر
وياليت نري البحر الاحمر
بمحاوره اخري

[ناصر خنيفر]

مشكور على التنسيق يافيصل وعاتك العلم الطيب كما نشكر الاجهر والبحر الاحمر على هذه المحاور الجزله

[معيوف ابن زهيميل]

بيض الله وجهك اخوي فيصل الرشيدي على تنسيق هذه المحاورة الجزلة وصح لسان كبير المحللين الشاعر الاجهر والشاعر البحر الاحمر على جزالتهم

[أنكسارحلم]

بيض الله وجهك اخوي فيصل الرشيدي
على تنسيق هذه المحاورة الجزلة وصح لسان كبير المحللين
الشاعر الاجهر والشاعر البحر الاحمر على جزالتهم

[الاجهر]

بيض الله وجهك يافيصل الرشيدي
مشكور وما قصرت عداك الوم

[سعد الشقل]

مشكور يا فيصل على تنسيق المحاوره الرائعه

وبيض الله وجهك

[عبدالعزيز الخياري]

مشكور على تنسيق المحاوره الرائعه بين الاجهر والبحر الاحمر

تحياتي لك