[فـ عتيبه ـارس]

البارحـه والنـاس غافيـن وهجـوع = جتنـي هجـوسـي ورداً ساريـاتـي
والليل طال وخـط الارسـال مقطـوع = ياليل ياطولـك متـى الصبـح ياتـي
قزرت ساعاتك علـى ثومـة الكـوع = مالـي نديـم الا الثـلاث الخـواتـي
صفر الدلال اللي بها الهيـل مشمـوع = باشكـال وارناقـا مـعـه لايقـاتـي
واصبحت من كثر الهواجيس مفجـوع = وافكـار قلبـي شــرداً سارحـاتـي
ياسائلاً تسأل ترى الصـوت مسمـوع = وما نشـر بالصفحـه قريتـه بذاتـي
سويت لي مشروع من غير مشـروع = والزمتنـي بـالـرد دون شهـواتـي
b]اكيد عندك يا فتـى الجـود موضـوع = والا مسـوي بـك زمانـك سـواتـي
]مسقيك من علقـات الايـام قرطـوع = وتسمـع صراعـي فيـه ومغامراتـي
فان كان هذا الامـر بالشكـل والنـوع = خـل الامــر لمـكـون الكاينـاتـي
ساير زمانك كان لـك قلـب وضلـوع = وارج الفـرج بايـامـك المقبـلاتـي
وان كان ما طاعتك خلك لهـا طـوع = ما انتـه بضاربهـا برمـح الزناتـي
امـا سوالـك مـا جوابـه بممنـوع = ولـو للحيـاه اسرارهـا الخافيـاتـي
اجاوبك لو مـا معـي منـك منفـوع = تحـب تعـرف كيـف قصـة حياتـي
حياة ذيبـاً عايـش الفقـر والجـوع = ليلـه يبـات وليلـة مــا يبـاتـي
اعيش عيشة ذيب والـراس مرفـوع = وان قلّ مالـي عـزّ نفسـي غناتـي

الموضوع الأصلي: من قصايد الشااااعر رشيد الزلامي | | الكاتب: فـ عتيبه ـارس | | المصدر: شبكة بني عبس

[سعد بن عادي]

بلاشك بأن رشيد الزلامي مدرسه شعريه لن تتكرر .

ومن الشعراء البارعين وقصائده دائما تجد بها قوة المعني والنصح والارشاد


سلمت يداك يا فارس عتيبه على ذوقك وتميزك با النقل .

ننتظر منك الابداع .


ودمتم كما تحبون

[فـ عتيبه ـارس]

سعد بن عادي شاكر لك على هذا المرور الطيب يالنششششششششششششششمي

[حــزام]

بيض الله وجهك اخوي فارس عتيبه
واسمحلي على التنسيق عالقصيده لكي تكون واضحه
اما القصيده فانا اعدها من نوادر القصيد والشاعر رشيد الزلامي مدرسه شعريه تتعلم منها الاجيال
ولاخلا ولاعدم

[فـ عتيبه ـارس]

ذيب الحجاز تسلم يمينك على مساعدتك وبيض الله وجهك ياأبيض الوجه