ضــع اعــلانك هنا
 |
الملاحظات
|
|
خيارات الموضوع | ابحث بهذا الموضوع |
اروع واجمل قصائد بن فطيس
[
،؛، .. ســـولفـــــوا .. ،؛ [/CENTER]
سولفوا تكفون لا عاد تسكتون .. .. قبل لا أهوجس وياتيني بلاي السكات يزود طعوني طعون .. .. وتنكسر لا جا على راسي عصاي سولفوا لو ما بغيتوا اتسولفون .. .. قبل لا اقعد في الحزن رايح .. وجاي واضحكوا لو بالعماله تضحكون .. .. وجاملوني لو يضايقكم حكاي لي وليفٍ راح جعله ما يهون .. .. هو دواي وداي .. أو داي ودواي راح لكن طيف زوله في العيون .. .. مرةٍ قدامي ومرة وراي وإن سكتوا جا وهو طيفه يمون .. .. رحت أهوجس له وأبين له ولاي مكسب عيوني من الفرقا مزووون .. .. تمطر لطاريه .. والبرق ؟ أصدقاي كل ما طروه لو هم يمزحون .. .. احرموني من غداي ومن عشاي أدري إنه ما تناسى الود كون .. .. تسمع إذنه في قفاي اللسن عداي وكانهم قالوا نسيته يكذبون .. .. وإلا أنا فيه أمتلك نظرة وراي كان حبه لي على خبري مصون .. .. والله ان كني بقدري .. وبغلاي ذي بقايا الحب وأطلال الجنون .. .. والله أعلم في ضميره وش بقاي غير طيعوني ولا عاد تسكتون .. .. ولا والله إن أسمعكم بكاااي ،؛،.. في كــــفـــها خــــاتــــــم ..،؛، في كفها خاتم وفي خدها خال .. .. وفي عينها غيم وعمارات وبيوت الخال شفته واضحٍ من ورى الشال .. .. والخاتم الماس مرصع بياقوت والعمر في العشرين كني مانيب زال .. .. والجسم كنه من جبل ثلج منحوت جبل ولكن لا طرقه الهوى مال .. .. وخطواتها ماهي بالأمتار بالفوت ماهي تشوف الشمس من ظل الاظلال .. .. ومصيافها ما بين لندن وبيروت الشمس لو تشرق على جسمها سال .. .. كنها مجسم محلبيه وبسكوت ومن صغر مبسمها شقى حالها الحال .. .. ما تاكل الا اللوز والخوخ والتوت ماهي تشوف الناس تمشي وتختال .. .. ومرٍ على جاكور ومرٍ على حوت وخدامتين وهي بلا زوج وعيال .. .. وسمعتها تدعي الدريول يياقوت وثلاث جوالات ماهو جوال .. .. ومن يوم خلقت كل شيٍ بريموت لكن قلبي مالها فيه مثقال .. .. وش قرب البشت الحساوي من الكوت ياجعلها للي خذت قلبي نعال .. .. اللي غلاها عندي الشرب والقوت حوريةٍ من فوقها الليل شلال .. .. كنها صبحٍ فوقها الليل مكتوت قلبي لها من كثرة الشوق مشخال .. .. وللسر عن كل المخاليق تابوت تنحت لي من الحب في القلب تمثال .. .. وحبي لها ينحت على الساحه بيوت في عينها ماكل رجال رجال .. .. وأقصى حدود الوصل في سلمها الصوت زودٍ على القلب وعلى الحسن من آل .. .. روسٍ لهم روسٍ على متونها بشووت الى رضت موتوا يا أهل روس الأموال .. .. وإلى زعلت جربت وش سكرة الموت من دونها رجلي وراكب وخيال .. .. والسيف والأمواج ]والبحر والحوت
آخر تعديل بواسطة حمدالرشيدي ، 04-08-2008 الساعة 06:06 AM.
|
«
الموضوع السابق
|
الموضوع التالي
»
| يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة
|
||||
| الموضوع | الكاتب | القسم | الردود | آخر مشاركة |
| اروع قصائد عنتر بن شداد | منارة الذئاب | قسم الفارس (عنترة بن شداد) | 12 | 22-01-2009 12:04 AM |
| من اروع قصائد حامد عقلي | نافع دميات الدريبي | قسم القصائد الصوتية | 10 | 10-09-2008 02:36 AM |
| قصائد محمد بن فطيس المري | آهــذريــبــك | منتدى الشـــعــــر | 4 | 07-08-2008 11:47 PM |
| مع اشهر واجمل قصائد ابن الذيب اترككم | ابوعالي الرشيدي | منتدى الشـــعــــر | 3 | 26-05-2007 11:34 PM |
الساعة الآن +4: 07:04 AM.
جميع الحقوق محفوظة شبكة بني عبس
