[فـ عتيبه ـارس]

عـلاك الله وأمانِـه ياقصـيـدي
مـن الـزلات وهـروج البليـدي
أبا أبـدع بـك طـروقٍ سامريـة
لحنها يجذب اللـي مـن بعيـدي
ماغناّهـا عبـادي وأبـو نـورة
ولا خالـد ولا عبـد المجـيـدي
لكـنـك لا تفشّلـنـي دخيـلـك
تراني معتبـرك أغلـى رصيـدي
ما أباك من المعاني هـرج فاضـي
ولا عـذرٍ لمـن يطلـب جديـدي
أبـاك تصيـر ذخـرٍ لاعدمـتـك
وسيفٍ مثل سيف ابـن الوليـدي
وأباك ليـا نشدنـي عنـك خيِّـر
تفيـده كـان يبـغـا يستفـيـدي
تفيـده بالحـكـم وألاّ النصـايـح
وعطه العلـم والـراي السديـدي
وقلّـه ياولـد دنـيـاك هــاذي
تراهـا مثـل تكويـن الجلـيـدي
لعنهـا الله وأبغضهـا رسـولـه
ياكم فيها شقـي وكـم سعيـدي؟*!
مايمدحهـا سـوى رجَّـال جاهـل
يجمّعـهـا لعـلـه مايـفـيـدي
ولا منّـك طلبتـه شــئ عـيَّـا
شحيـحٍ مـا يمـد ألاَّ الزهيـدي
عن الماجـوب ماغيـر ايتدسّـس
وعلى الغـرّات شيطـانٍ مريـدي
سوات الحصني اللي طول عمـره
يـروّغ لا يصـاد ولا يصـيـدي!
وحكيـم العقـل يعـرف خاتمتهـا
تواعدنا وتكـذب فـي الوعيـدي
متـاعٍ عنـد خلـق الله مـوقَّـت
كما وقـتٍ يجـي فيـه الزبيـدي
مافيهـا غيـر ثنتـيـنٍ خـيـارا
وثالثهن تـرى ماهـوب أكيـدي
ذكـر ربـي ومحبوبـه محـمَّـد
هي أفضل شئ في دنيـا العبيـدي
وثالثهـن ليـا مـاخـاب ظـنّـي
مخـوّة طيّـب الأصـل الفريـدي
هـذاك اللـي يـعـزّك مايـذلّـك
لاصارت خوّته خـوّة رشيـدي!!
بدون قصور فـي بـاق القبائـل
هل الطـالات والفعـل الحميـدي
هذا عرفـي ومـا يمليـه رايـي
وعرفي كان مـا ينقـص يزيـدي
لكنـه مايزيـد اعـن الـعـوارف
أنا أردا واحـدٍ عـرف وقصيـدي
أقولـه ماعلـيّ مـن المـلامـة
أنا أعرف وش رداي ووّيش جيدي
ولا أخشى من فـلان ولا فلانـي
ولا أناديـه ياعمـي ياسـيـدي!
ما أخاف ألا مـن الخـلاّق وحـده
غفور الذنـب وعقابـه شديـدي
تـرا هـاذي نصيحـة واقبلوهـا
مادام الموت في حبـل الوريـدي
وخيـر القـول كلـه طاعـة الله
ياويل اللي عـن اكتابـه يحيـدي
.. قصيده للشاعر عـــــبــدربه العتيــبي.. وتقبلو تحياتي

الموضوع الأصلي: منقول .. الشعر بوصف بني رشيد .عبس | | الكاتب: فـ عتيبه ـارس | | المصدر: شبكة بني عبس

[ابو محمد العريض]

هـذاك اللـي يـعـزّك مايـذلّـك
لاصارت خوّته خـوّة رشيـدي!!



صح السان الشاعر



المبدع عبدربة العتيبى










ومشكور يافارس عتيبة



على النقل










تحياتى

[سالم الرشيدي]

صح السان شاعرها

ومشكور على النقل الرااائع

[الفهد]

صح لسـان الشــاعر عبدربه العتيبي,,
وشكرا لكـ على النقــل ,,

[العقاد]

ماعليكم زود

[العقاد]

فارس عتيبه مشكووور على النقل والقصيده جزله من شاعر معروف

[العقاد]

----------------------------------------------------------------

[مرزوق العجوني]

صح لسان شاعرها ولا عليكم زود ولا هنت على النقل