[رائد الذيابي]

تعبت اصبر على جور الزمن لين انتهى المعقول
لك الله ماتحريت الفرج والصبر مفتاحه

صبرت ولا ظفرت وطال صبري مالقيت حلول
ونار الغبن تستوقد وريدي وأسمع نياحه

رحلت ورحلتي طالت مشيت ولا لقيت وصول
وتاهت خطوتي مابين جد الوقت ومزاحه

حيارى يالطعون الي تملك قلبي المبتول
سبايب من طعني بالغدر في صالي رماحه

انا كنت الوفا كله انا كنت العطا المدبول
وصرت الشاعر اللي ضاع بين ايديه مسباحه

وقف لي حظي الداني حداني صمتي المذهول
وصرت ان الضحيه للشقا والناس مرتاحه

لك الله لذة في وجه الزمان وقال لي ياحول
زرع في الشكوك وهدني للخوف واشباحه

حبيبي صاعني غدر الزمان بكفه المصقول
رماني خلف قضبان الحياه وشح بأفراحه

حبيبي عفت مشوار السهر وحكاية الهملول
وسراب(ن) لو نصيته ماروت كبدي من اقداحه

يقولون اقهر ضروف الزمان وشدها وتزول
وابضم الجروح وكل طير يضمد جراحه

حرام اسكت على درب القهر والقادم المجهول
حرام اخضع لواقع مالقيت بفيته راحه

اخاف اندم على طيحه تكون نهاية المحصول
ولا طاح الجمل ياسيدي ماسلم مطياحه

مشيت اقدح بزند اليأس وأجبر خاطر(ن) معلول
ابغرس فس يدي زرع الامل واهديك تفاحه

ابرقا فوق متن الريح واكفخ والحمول حمول
مثل حر(ن) تلفت للبياض وعاف ملواحه

حبيبي خذ مشاعر صادقه في زمان نذول
وانا لولاك مادقيت باب الشعر بـــاراحه




الــــــــــشـــاعــر :



عــــــــــادل الـــــذيــــابــــي

الموضوع الأصلي: تعبت اصبر على جور الزمن لين انتهى المعقول | | الكاتب: رائد الذيابي | | المصدر: شبكة بني عبس

[ابو محمد العريض]

صح السان الشاعر عادل الذيابى


وسلمت


على النقل

[عبد العزيز]

قصيده روووووووعه

صح لسان المبدع والشاعر القدير عادل الذيابي

وبيض الله وجهك على نقلها لنا

[عمران]

صح السان الشاعر عادل الذيابى


وسلمت


على النقل

[رائد الذيابي]

اقتباس من مشاركة ابو محمد العريض صح السان الشاعر عادل الذيابى وسلمت على النقل

أبـــو محمد



شاااكر لك كل الشكر على المرور


وبيض الله وجهك

[ادري طيبتي غلطه]

قصيده لاتحمل سوى الابدااااااااااااااااااااااع


والله يعافيك اخوي فلسفة ذهن على ذائقتك الشعريه العاااااااااااليه


صبرت ولا ظفرت وطال صبري مالقيت حلول
ونار الغبن تستوقد وريدي وأسمع نياحه
رحلت ورحلتي طالت مشيت ولا لقيت وصول
وتاهت خطوتي مابين جد الوقت ومزاحه


تقبل مروووووووووووووري

[فهد المويسه]

قصيده رائعه

وتقبل سلامي