[احمد السندى]

[frame="2 98"]من المعجزات الشعريه للشاعر الكبير مرشد البذال


[poem="font="Simplified Arabic,6,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
داج الظلام انزاح .....والنور له ضـوح=نور الصباح مضيح .....والليـل زايـح

مالي هوى بمزاح .....والقلـب ملـدوح=فكري من التلميح .....غـادن شلايـح

كنى على لفـاح .....غصـن ٍ بلحلـوح=قاعه احزوم وشيح .....وارضه كلايـح

يا مشغل المرتاح .....بسك من النـوح=ورق ٍعلى التطويح .....ماهي شحايـح

يامن طربك انياح .....كـدرت مجـروح=طرب ٍ وهو تفويح .....جوفـه جدايـح

صفقت راح براح .....لحت النحر لـوح=لوحة يتيما ً ليـح .....دمعـه سبايـح

ياقلب وطرك راح .....ماض ٍ له اقروح=اليـوم بالتشبيـح .....مالـك صرايـح

يوم الدروب اسماح .....والدرب مفتوح=بديت في تفصيح .....قـول ٍ صحايـح

اخذت لي مشواح .....باسرار وفـروح=ركب الغرام مشيح .....هجنـه طفايـح

لي بالهوى ميلاح .....والهم مكسـوح=وموقع ٍ تصحيـح .....حـب الملايـح

قلبي كما الملواح .....بيديـن طـاروح=من كثـر التلـواح .....رزقـه توايـح

السد ما ينباح .....من غيـر سامـوح=واللي زرى بقريـح .....خلـه يصايـح

يلومني من كاح .....شين اللغى كـوح=خل ٍ عطى تسنيح .....جـاك امتدايـح

تسلـي الارواح .....زاح الـكـدر زوح=حب ٍ بـلا تبريـح .....مابـه بجايـح

لو الهوى ذباح .....له ميـل ورجـوح=ولا حد ٍ يعيش مريح .....والعمر رايـح

واليوم لي مصفاح .....عن ورد وسروح=الجهل هو تلقيح .....غـرس القبايـح

يوم اموقر لاح .....أنـا ويـن أبـروح=بديـت بالتصلـيـح .....والله يبـايـح

كيف الحال ياصاح .....في عذلة الروح=شف لي هدف ياشيح .....ذرب النصايح

ماكتب بالالـواح .....ماهـو ممسـوح=اليوم هو توضيح .....عطـب الجرايـح

من عاش بالافراح .....لا بد من نـوح=ساس البلا تسليح .....خطـر اللوايـح

والعقل هو مفتاح .....بيبـان مصلـوح=وينزحك تنزيح .....عـن كـل سايـح

عن ربعة السفاح .....يالقلب منصـوح=لاتتبعـه وطيـح .....مابـه ربـايـح

مثلك اليا من طاح .....خـلاه مسـدوح=اترك ردي الكيـح .....زيـن السنايـح

زين الرفيق اشناح .....بالطيب له نوح=من ورد عين السيح .....عاف الضحايح

نفسه على الامداح .....قد شاحها شوح=ذكرى مع اهل الفيح .....وأهل البرايـح

خله وراك سناح .....عن كـل كاثـوح=ينجحـك تنيـح .....رجـل المـدايـح

كانه بكرب اشباح .....للضـد ذرنـوح=صميدعن زحزيح .....عطـب الجرايـح

اليا عدى المياح .....في جانب الصـوح=كان الروى تنشيـح .....للدلـو مايـح

كسب الفخر بكفاح .....وأن طرد الفوح=خيالـة التصفيـح .....راحـوا قمايـح

من جاكر الارياح .....والغزل منطـوح=غلبت هبوب الريح .....في ضرب لايـح

ترا القشر فضاح .....راعيـه مفضـوح=جعله معه تسريح .....لاقصى التنايـح

دايم وهو نباح .....والجيـب مسـروح=ثوبه من التطبيح .....غـادن سرايـح

لا تستوى قداح .....لو كـان بمـزوح=مافيه هبت ريـح .....مـزح الفضايـح

من للملا جـراح .....لا بـد مجـروح=جلده من التجريح .....غـادن صفايـح

وأحذر من اللحاح .....تـراه مشفـوح=لو كثر التسبيـح .....مـا مـن فلايـح

ناس ٍ بثوب اصحاح .....والفعل مكبوح=تنهى عن التوكيح .....وهـي الوكايـح
[/poem]

[/frame]

الموضوع الأصلي: القصيده المعجزه | | الكاتب: احمد السندى | | المصدر: شبكة بني عبس

[المغرم اليائس]

قصيدة لاتكفيها معجزة ولا ساحرة
.
.
شكراً لك اخي فقد اذهلتني ابياتها بحق

[نــوآف الــعــويــمــري]

من جاكر الارياح .....والغزل منطـوح
غلبت هبوب الريح .....في ضرب لايـح

ترا القشر فضاح .....راعيـه مفضـوح
جعله معه تسريح .....لاقصى التنايـح



قمه الروعه والجمال
لاهنت

[احمد السندى]

الاخ العزيز المغرم اليائس لك منى جزيل الشكر

[حــزام]

بيض الله وجهك اخوي احمد السندي
معلقه ماهيب قصيده
مرشد سعد البذال الرشيدي مدرسه شعريه رحمه الله
قصيد الحكمه كله في قصيد مرشد رحمه الله
تم تثبيت القصيده وتستاهل ويستاهل ناقلها
ولاخلا ولاعدم

[احمد السندى]

الاخ العزيز ابوساره لك منى جزيل الشكر

[بنت العبسي]

الله يسلم ايدينك

شكراً لكَ على هذا الطرح الراائع

وصح لساااان الشاااعر

[رائد الذيابي]

صفقت راح براح .....لحت النحر لـوح

لوحة يتيما ً ليـح .....دمعـه سبايـح

فـــــــــعـــلا ابــــداع

تسلم يمينك

وصح لسان الشااعر