[سعد الشقل]

الكابتن

يابني عيس ضيف وفي زهابي قصيد=ياسلامي علـى العـزوه وحيانهـا
مات عنتر عسى نلقى بداره حفيـد=عقب جينا مضارب عبس ووطانهـا

وضاح

بالنيابه عن ربوعن تضد الضديد=مرحبا ماترف طيـور جنحانهـا
مات عنتر وجاله توم علم ٍ وكيد=يدحر القوم واللي زاد شيطانهـا

الكابتن

وقت ٍ اقشر يشيب منه راس الوليد=انت زيدي وعبس نعرف شيبانها
ماتسد اللزوم ارتاح يابـو يزيـد=ردو ا الذاهبه يا عبس برسانهـا

وضاح

وقتنا وقت خير ولاش عيشن زهيد=فضل ربي وصلك ونعمته عانهـا
الضليمه تزيل الياحصلت راس حيد=ولابه ذهيب كلمه شوف نقصانهـا

الكابتن

العقيده سليمـه ماعبدنـا عبيـد=رح بشانك وخل الناس في شانها
اعترضت القوافل واتعبوك الشديد=وان درت عنك عبس تحد نيبانها

وضاح

ماش مسلم عبدله عبد غير البليد=العقيده سوى بالكتـب وركانهـا
اعترضنا وبحمي ماقفي مانحيـد=والعرب تنثني من دون صدقانها

الكابتن

انت ضلع ٍ صداه اللي نقوله يعيد=المعازيب كيـف ؟ادز ضيفانهـا
استلمها اليماني مادرا من بعيـد=طعنت ذياب صابت كبد عدوانها

وضاح

مانعيد اكـلام الا بعلـم ٍ سديـد=وكلونـي معازيبـي بخوانـهـا
اليماني تعرفه بالنهـار الشديـد=الشبح صار ضرب السيف ببدانها

الكابتن

يابني عبس فيكم مشبهاني وحيد=الأصايل لايدخل بيـن حيرانهـا
كان فيكم كبار عقول ولا عقيـد=مايفك العرب يا غير فرسانهـا

وضاح

خياللبل ليا وصل الخطر للوريـد=سيوفنا بالملاقا نروي سنانهـا
انته المشبهاني من بلاد الصعيد=من عجوزن لقط وضاح كرعانها

الكابتن

انت راع البقر والبل لأهلها رصيـد=لوتعـزوا الزيـود اطيـر اجنانهـا
والله اني من اهل المجد واصلي مجيد=يوم بعض العـرب تعبيرهـا خانهـا

وضاح

انت يالكبتن اللي صار راسك عنيد=اظبط الطائـره لايميـل سكانهـا
جعلها لاصعدتبك بين مزن وجليد=تنفجر بالسماء وطيـح بوزانهـا

الكابتن

ابشر اني ماني ضايق ودربك مديد=مهرة اللعب تعرفني وانا حصانهـا
من كثير الدعاء ماضنتي تستفيـد=مزنة الوسم فوقـك هـل ربانهـا

وضاح

جعل يومي سعيد وجعل يومك سعيد=نختم الوضع في مسكن وريحانهـا
وسمعو ياسلايل عبس وبنا رشيد=بلغـو ضيفنـا لايطـق صوانهـا

الكابتن

انت شاعر تصاد وتنتهـي ماتصيـد=البحـور انتبـه تاكـلـك حيتانـهـا
في بني عبس شاعر ينعرف باسم عيد=والبقيـه قصـور اتصـك بيبانـهـا

الموضوع الأصلي: الكابتن × وضاح اليمن | | الكاتب: سعد الشقل | | المصدر: شبكة بني عبس

[وضاح اليمن]

سعد الشقل مشكور على التنسيق

[نــوآف الــعــويــمــري]

مشكور ياسعد
تحياتي

[الكابتن]

شكرا ياسعد على تنسيق المحاوره


لك جزيل الشكر

[المحيط الهادي]

مشكورين على المحاورة الرائعة صحة ألسنتكم

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي

[رياح الشرق]

صح لسانهم وبيض الله وجهك على النقل

[ناصر الفلاح]

صح لسان الشعاار

مشالله عليهم محاورة حلووة