|
خيارات الموضوع | ابحث بهذا الموضوع |
|
يالله يالمطلوب يا والي الأقدار=أنت الذي مدّات جودك لطيفه الشاعر محمد النجدي الصقري العنزي
يالله يالمعبود عاون هل الكار=تحل شطاتٍ عليهم كليفه اللي مجالسهم بها بن وبهار=ونجرٍ يصوّت للهشالا رجيفه مكارمٍ للضيف أصيلات وكبار=ومفطحاتٍ في صحونٍ نظيفه يا مزنةٍ غرا من الوسم مبكار=اللي جذبنا من بعيدٍ رفيفه تومر على كل المفالي بالأمطار=تصبح به خدان قومي مريفه غب الحيا فاحت بها ريح الأزهار=تخالف النوّار مثل القطيفه ترعى بها قطعانّا سر وجهار=تقطف زهر مرباعها مع مصيفه يبني عليها الشحم بنية جدار=عقب الضعف راحت رجومٍ منيفه قطعانّا ما ترتع دمنة الدار=ترعى زماليق الفياض النظيفه ترعى بها وضحاً من الذود معطار=غبوقة الخطّار عجلٍ عطيفه ترعى بضف الله ثم جبران وجبار=خيالةٍ يوم الملاقا عنيفه إن سوهجوا عنها قليلين الأبصار=من دونها نروي السيوف الرهيفه ماهي حكاية مسردٍ عقب ما نار=اللي نكس وأطراف رمحه نظيفه حنا كما مشخصٍ عن الصرف ما بار=بالوزن يرجح والمصاري خفيفه هذا ولك الله من قديمٍ لنا كار=عن جارنا ما قط نخفي الطريفه حنا نرى في زلة الجار لو بار=تضحك حجاجه بالعلوم اللطيفه نرفى خماله رفية العش بالغار=ونودع له النفس القوية ضعيفه ولا نبدي الخافي ليا صار ما صار=يفلج قصير البيت لو بان حيفه ونكرم سبال الضيف حق وتعبّار=لامن ولد العفن شح برغيفه الجار لابده مقفي عن الجار=وكلٍ بجيرانه يعد الوصيفه نبغي ليا من بدّل الدار بديار=وعقب البطا كلٍ تذكر وليفه كلٍ تذكر ما جراله وما صار=وكلٍ تذكر ما جراله من عريفه لابدها ترجع تواريخ وأذكار=وتبقى لدسمين الشوارب وظيفه أحدٍ على جاره بختري ونوّار=وأحدٍ على جاره صفاةٍ محيفه الصبر مفتاح الفرج هو والأفكار=ومن لا صبر تصبح أحواله كسيفه خطو الولد مثل البليهي ليا ثار=يا زين حمله ليا تمدرا زفيفه يشدي هديب الشام حمّال الأخطار=زودٍ على حمله نقل حمل أليفه وخطو الولد مثل النداوي ليا طار=حسّه على صيد الخلا له وحيفه ترجي العشا في مخلبه وقع وطيّار=صيده سمان ولا يصيد الضعيفه وخطو الولد ينبش على موتة النار=مع العرب يشبه لخطوى الهديفه ليا بخصته ما سوى ربع دينار=صفرٍ على عوده تضبّه كتيفه وخطو الولد يا مال قصّاف الأعمار=لا نافعٍ نفسه ولا منه خيفه وصلاة ربي عد ما خضّر الأشجار=على نبيٍ له شريعة شريفه
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
تهنئة حاره | الرشيدي$$$ | المنتدى العــــــــــــــــام | 5 | 21-10-2011 11:20 PM |
النصر يتعاقد مع بيتري كلاعب أجنبي ثالث | الهويل | منتدى الرياضه والشباب | 8 | 20-06-2010 07:41 AM |
الصحف الرومانية: زينجا مهتم بجلب بيتري للنصر | يوسف الصامل | منتدى الرياضه والشباب | 3 | 15-03-2010 01:23 AM |
أحجز بريدك على @al3bsi.net | عادل العويمري | منتدى الكمبيوتر والجوال | 30 | 09-05-2009 03:03 PM |
تعزيه حاره لمن هذا حالهم ..,, | عطر الاوركيد | المنتدى الإسلامـــي | 7 | 03-02-2009 03:05 PM |