[ثورة حرف]

بَحرٌ من الإبدَاع .. وروعَةً تبرُقُ فِي السَّماء


هائج كالبحر .. يثور في ساحات المحاورات .. ولا يُهدأهُ شيء
من غاص في مياهه فليكتب وصيتَهُ .. فلن يستطيع تحديد مصيرَهُ

{ بَحْر الْـ خَلِيج }

في سماء المحاورة برق واتقد ونماء .. هاجم ودافع وضحك ولعب ونسج العذوبة
في كل طرح .. نرى الابداع
بلا قودٍ جاء لِـ بحر الخليج مُنطاع

تغطى بهذا الاسم ورسم لوحات الجمَال في مسيرة المحاورات لله درَهُ كم هو رائع
حين يقول:

البارحة قابلت عنق الريـم صدفـه ياحميـد=صدفه بلا ميعـاد ربـي يـم دربـي حدهـا
قابلتها كلي ولـه واشـواق وشعور(ن)فريـد=ونفس الشعور اللي معي جيت ولقيته عندهـا
عقب ثمان اسنين من فرقاه وجروحـي تزيـد=كانت ظروف الوقت ضدي مثل ماهي ضدهـا
غابت عن عيوني وصورتهـا بقلبـي ماتبيـد=احسهـا واشوفهـا بالعيـن يــوم الـدّهـا
اليا طرت وانا بوسط المجتمـع كنـي وحيـد=اسج واضحك لذكرت امزوحهـا مـع جدهـا
تذكر عليّه كل ماهز الهـواء خضـر الجريـد=يقفي بها صلف الهواء عني ونـوب يردهـا
من قبل لاعرفها وانا قاسي واشد من الحديـد=واليوم قلبي صاير(ن)خاتـم بخنصـر يدّهـا
لعيونها غامرت بالدنيا وانـا مالـي رصيـد=الا الرموش اللي لشفت الشمس جيت بسدهـا
يضفي علي ظلال سوده عن قريب وعن بعيـد=وابحر واعيش ابجزرها واغرق واموت ابمدها
منزالها بالقلب خالي ماسكنـه حب(ن)جديـد=كم مهرة(ن)تطرق اقفوله والضلـوع تصدهـا
واقول ابا اصبر وانتظر يمكن بعمري يوم عيد=لابـد ماتذكـر هواهـا الاولــي لابـدهـا
وهذي قصيده تنحني لك غير عن كل القصيـد=وان كانها مارضت غرورك لعن ابوها وجدّها
كتبتها مـن دم شريانـي ومـن دم الوريـد=كله علشـان العنـود اللـي ذبحنـي ودّهـا
الله لايحرمك الاجر وان رحت ياساع البريـد=هذي رسالة عنتـر العبسـي لعبلـه ودهـا

يا تُرى مَن هُو بحرُ الخليج ؟




هُنا المَصدر

الموضوع الأصلي: بَحرٌ من الإبدَاع .. وروعَةً تبرُقُ فِي السَّماء | | الكاتب: ثورة حرف | | المصدر: شبكة بني عبس

[كهل الصباء]

الله يحييك يأبو بادي....والحمد لله إنها ما خابت تحرياتي سابقاً.

أتمنى لك مسيرة حافلة بالإنجازات والإبداع بعد الكشف عن هويتك.

تحياتي لك

[ناصر خنيفر]

ثورة حرف حياك الله اخي الكريم القبيله لديها بحور كثيره ماهو بحر الخليج فقط اما من يكون بحر الخليج مالمسؤول اعلم من السال وشكرا

[بشيرالشويلعي]

الله الله
وسمي بادي المهيمزي اسم وشاعر كبير

مجموعة ثورة حرف لكم شكرنا وتقديرا لجهودتكم المتألقه

[بحــ الخليج ــر]

ثورة حرف اشكرك كل الشكر على المقدمة الجميلة والكلام الطيب ولولا هالكلام والطيب والتشجيع من الناس اللي مثلك وشرواك كان ماكتبنا شي ولا استمرينا بالشعر وبالخير حنا مانستغني عنكم وعن انتقاداتكم وتوجيهاتكم ,, واشكر كل من كهل الصباء والعمدة وبشير الشويلعي على الكلام الجزل واتعليق المشجع تقبلوا تحياتي جميعا

[بحــ الخليج ــر]

اقتباس من مشاركة راشد رباح اشكركم على تعريفنا بشاعرنا بحر الخليج وسمى بادى الرشيدى ونعم والله والى الامام ياشاعرنا بالتوفيق

وماعليك زود يابو رباح والله انه لي الشرف بمعرفت الرجال اللي مثل وشرواك وهذا من اهم فوائد هذا المنتدى الطيب

[عايض بن صالح]

مررررررررحبا مليون يابحر ياوسمي ياخليجي يامهيمزي بيض الله وجهك على هذا الافصاح الجري والشجاع..

كما ادعو بقيه اهل الاسما المستعاره والذي لهم باع في الشعر والنقد ان يحذو حذو هذا المقدام ابو بادي..

تقبل تحياتي وتقديري اخوك ابو صالح الشويلعي

[راشد الخلاوي2]

مررررررررحبا مليون يابحر ياوسمي ياخليجي يامهيمزي بيض الله وجهك على هذا الافصاح الجري والشجاع..

كما ادعو بقيه اهل الاسما المستعاره والذي لهم باع في الشعر والنقد ان يحذو حذو هذا المقدام ابو بادي

اخوك راشد الخلاوي2