[تـاج الـمـراجل]

سعاد هي بنت عمرها 15 سنه وتحب فهد وعمره 17 سنه ساكنين بنفس الشارع بمدينه من مدن السعودية ما طول عليكم المهم انهم مو يحبون بعض الا يموتون في بعض مثل الشمس والقمر طبعا اهلهم مايدرون انهم يموتون في بعض ولا كان فيها علوم المهم انهم عايشين حياة ولا في الاحلام وفي يوم من الايام جئ لأبو سعاد نقل مفاجئ الا منطقه بعيده عن منطقة فهد المهم ان البنت كانت في المدرسه تدرس وابوها يشيل العفش استعدادا لرحيل .وكالعادة جت سعاد من السكول <<< مسوي مطور) وراحت لابوها الي مهدود حيله وقالت ابوي علامكم على الاثاث بتغيرون ألوك حق البيت قال لها لا يمه حنى بننقل لديره ثانيه عنى 500 كيلو الا البنت ابتلشة شلون تعلم فهودي حقها ( اول الجوالات بس مع الكبار ) المهم هي ماعنده جوال مابه الا ابوها بس ابوها نشبه وشكاك المهم خطرت ببالها فكره تكتب لفهد رساله مع اخوها الصغير عشان يوصلها لفهد بعز القايله وكتبت فيها (( حبيبي فهد والله مو بودي ولا ادري الا الحين ان احنى بننقل بالسرعه هذي لاكن حبيت اقولك اني اموت فيك يا أغلا من مر بحياتي يا اعز الناس ولاتصدق اني بنساك يانظر عيني وتراني انتظرك بمدينة **** الي تبعد 500 كيلو شارع *** رقم البيت *** خلاص حبيبي حاول توصلي بأي طريقه محبوبتك سعاد ..)) طبعا عطتها الولد الولد بطبيعته ماسك الورقه بيده اليمين وماشي بالحوش بيطلع برا الا وابوه يناديه قاله خذ 50 ريال جبلنا غدا من المطعم الي جمبنى الا والاب يدقق بالورقه قال هذي ايش ياصلوحي قال هذي من سعاد تقول عطها فهد ولد جيرانا المهم الاب عصب وتل الورقه من يده وقراها وحقد على الخيانه الي تصير في بيته وقرر القرار التالي ؟... راح يم بيت جيرانهم وطق الباب ويوم فتح فهد الا وابو البنت في وجهه قاله اقلط يابو سعاد اقلط قال لا لا تسلم لاكن حاب اعلم ابوك ان احنى اليوم بننقل عن بيتنا وحبينا نعلمكم حتى تزورونا فهد بدون استيعاب وين تكفى عنوانكم وين قال ابو سعاد سجل العنوان طبعا ابو سعاد عطى فهد العنوان الخطاء 100% غير الجات يعني اذا فهد بيروح للعنوان بيكون ماله امل يلقاهم ( قطعا ) المهم حرك ابو سعاد لبيتهم وهو صامت وشالوا العفش ومشوا وهم ماشين الا فهد برا ينتظر طلعتهم يوم شافهم ركبوا اندس ورا سيارته عشان ابو البنت مايشوفه المهم ويمر الجيب من قدام فهد وسعاد تطالع فهد وتودعه بيدها وفهد يسويلها اوكي بيده يعني انه اخذ العنوان وهي تحسب قصده انه استلم الورقه المهم اهل سعاد اول موصلو جو أناس يزورونهم وتعرفوا على ناس واجد وفهد شال أمتعته وراح بيسير عليهم في ديرتهم الجديدة << وجهه بليوت ) المهم سافر ويوم وصل للمنطقه الا ويسأل على العنوان وهو يروح الا ماقدامه الا ورش سيارت ولا حولها منطقه سكنيه عشان يشك المهم راح استأجر له غرفه شهر كامل وهو يروح يدور نفس سيارتهم وعلى ها الحال 3 شهور لين مل ورجع لبيتهم وهو مهموم ومغموم وقال مالي الا اعيش على الذكرى صار يزرع نفس الورد الي هي كانت تحبه وبس يطالع بباب بيتهم المهجور ( وتمر السنين وتمر السنين ) وهو يدخل الجامعة الي عنهم 500 كيلو ويدرس بها طبعا سعاد مازالت تنتظر والناس يقولون لها انسيه هو نساك ولا عاد تطرين عليه اصلا وتراه يعرف العنوان وماجاك المهم وكالعاده الابويه لدينا زوجو سعاد بدون رضاها المؤكد وصار عندها بنتين وولد وهي تدرس بجامعه وتطبق في نفس المشفى في قسم التمريض وعمرها الان حوالي 23 سنه وفي يوم من الايام يلعب فهد كوره في ملعب الجامعه في قسم الرجال الا وتجيه اصابة في رجله وقرر يروح للمشفى حق الجامعه الي بين القسمين الرجال والنساء المهم راح واخذ ورقه من الاستقبال وجلس شوي مر على جلوسه حوالي نصف ساعه قرر يروح يشوف ايش الموضوع يوم راح الا بذيك البنت نفس عيون سعاد قالها لو سمحتي ممكن دقيقه بكلمك كلمتين بس الا وسعاد تلتفتله وتقول حدك ترا انا مو بنت صايعه احترم نفسك وراحة البنت شوي الل وهي راده وتقول لفهد ياسنافي احس ان عندك كلام ودك تقوله وش عندك من كلام ظروري شوي الا قالها ان اذكر اني احب بنت ولا تدرون اخليكم مع القصيده احسن هي بتاصفلكم القصه احسن من وجهي وقال فهد لخويه سعود بعد مارد للبيت في القصيده :

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه

جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه

قالت انته تـحسبني من بنات صايعين *** تـحسبني في زماني عن طريقي ضايعـه

قلت انا ماراح اطـول كلبوها كلمتين *** وابعـدت عني شويه ثم جتنـي راجعـه

قالت اسال واضح انك من رجال طيبين *** بس هرجك يالسنـافي وشهو دافعـه

قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه

عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه

اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه

واذكر انـه عاشـق الورد والياسمين *** وصار قلبي بالـورود اللي عشقهـا زارعـه

طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه >> واحد حمار اسمها. منيره

قاطعتنـي بقولها سبحـان رب العالمين *** كـررتـها مـره .. ومرتين .. ورابعه

قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه

قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه

قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه

قالت ظروف الزمان ماتطيـع العاشقين *** بيعونـي غصب حبك لو هو ماني بايعـه

انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه

زوجوني غصب واحد وحرموني حاجتين *** السعاده فـي زمانـي والحيـاه الرائعـه

والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!!

وشكرا لانكم منحتوني وقتكم في قرائة هذه القصه ........
*** ملاحظة * هذه القصه انا رسمتها على هذه الابيات أي ان الابيات حقيقيه على ذمت المنتديات الاخرى اما القصه فهي 100% كذب على ذمتي لأنه انا الي الفتها وكلي اسف من صاحب القصيدة اذا كان الشي هذا يزعله ودمتم سالمين **************************
اخوكم تــــاج الـــــمراجل.....

الموضوع الأصلي: ارجاء قرائة هذه القصه والتي تحتوي على قصيده رووووووومنسيه | | الكاتب: تـاج الـمـراجل | | المصدر: شبكة بني عبس

[ماجد الذيابي]

شفتها يا سعود صدفه بعد ما غابت سنين *** عند قسم المختبـر وسط مشفى الجامعـه جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه قالت انته تـحسبني من بنات صايعين *** تـحسبني في زماني عن طريقي ضايعـه قلت انا ماراح اطـول كلبوها كلمتين *** وابعـدت عني شويه ثم جتنـي راجعـه قالت اسال واضح انك من رجال طيبين *** بس هرجك يالسنـافي وشهو دافعـه قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه واذكر انـه عاشـق الورد والياسمين *** وصار قلبي بالـورود اللي عشقهـا زارعـه

تاج المراجل يسلموووووا على القصة الرايعه

[تـاج الـمـراجل]

انت الأروع اخوي ماجد

[ابورباح]

تاج المرجل قصيده وقصه جميله جدا مشكوووووووووووور

[الغربي]

تاج المرجل قصيده وقصه جميله جدا مشكوووووووووووور

[تـاج الـمـراجل]

الله لايهينكم على المررررررور الرائع