[البدر المهاجر]

1 راكب اللي ما بعد وردوا مثله حلي = كنه منزل من العرش من سابع سماه
2 احسب انه يوم شفته من إبداع الولي = كل ما لديت لميزة فيها حياه
3 كامل ولا غير ربي كمال يكملي = وارد الألفين والأصل ملعون الثواة
4 والد في ديرة ما ذكر فيها شلي = اسمه أل فكسار واخر زمن مطيب نماه
5 لا وقف شيخ من الغبن صدره ممتلي = خيل عدوانه على غفلة تدخل حماه
6 استباحوا حرمته فالظلام الأكحل = ولا توعى إلا على صوت وصياح اقصراه
7 بنت جاره تندبه والعجوز تولولي = والطريح يون والدم ينزف من حشاه
8 يوم شاف الواقعه قام رأسه يغتلي = الدخيل اومات والشيخ من يجبر عزاه
9 كن صوت محركا ته كما الهرج الحلي = هرجة أهل العشق من ثغر مردوع الشفاه
10 يخلف العشاق هرج الثمان الذبلي = الشفايا تحرقه والبرد يطفي ظماه
11 عيطموس ظحكته منية ما تمهلي = وان بكت تبكي نجوم المجره من بكاه
12 والمكينه قوة الخيل في يوم جلي = الرمك قامت تحذف فلاها من قساه
13 المنايا فوق سرج ادهم ما يزملي = جابه امعزي من اقصى الكويت ايلا الصفاه
14 فزته لا من نوى يطوي الخبت الخلي = فز ظبي ذيره فالخلا صوت الرماه
15 كن تصريخ التواير بصم الجندلي = صوت ذيب لا عوى لجت اظلوعه معاه
16 عقب جوع أسبوع سراه ريح مقبلي = ريح بدو دونهم جرهدي ما هقاه
17 لا تقدم واروح الريح قام يهرولي = ويوم قرب من العشى وقف الذيخ وحداه
18 انقلب للضلع يقنب قنيب يهبلي = الرضيع يخج ويفر قلبه من عواه
19 لا مشى واجزل مثل فرخ حر مجزلي = صيرمي شوف عينه مع اللجة عشاه
20 صف ريشه واعتلى مثل نجم معتلي = ثم حول فاهق ريش جنحانه وراه
21 كنه لسراقة السمع نجم منزلي = وكن ريشه لابسٍ له من اللول وعباه
22 مكره اسبيرين فتحه ثمان اسرندلي = السحر في مقدمه والغبينه من قفاه
23 مقدمه كاسيه نقش الجواهر والحلي = موخره قفا جادلٍ يقصر خطاه
24 وسع لمباته تشادي العيون النجلي = في حورها حارصٍ يومي الموت بعصاه
25 لون نوره ليزري له زراق يذهلي = لون بحر غبته يفجع السباح ماه
26 لا جدف مساحته تحت نوٍ يهملي = كف غرو راحته بازرق الدمعه ملاه
27 اشرت باذراعها في وداع يقتلي = وادعت من حرمت ما يعاشرها سواه
28 والمراتب كرسي اللي يضد العيلي = مقعد الحكام واللا كما حظن الفتاه
29 مركبه قصر الخلافه لعثمان وعلي = هيبته هيبة عمر طارح ابليس وقواه
30 صوت سلفه كنه اللا صفير البلبلي = غنيته من يقول الزين ما يكمل حلاه
31 الوقود بمخزنين حديد مقفلي = امن ولا غير ربي يذرينا ذراه
32 كنه اطيب صاحب فاللزوم يجملي = خص لا جا صاحبه يشتكيله من هواه
33 صامل منعور لا من مشى ما يسالي = لو احده في طريقي على قبره مشاه
34 ما يقول اللا امش قدام والمخرج ملي = ولا يعود لين يشفى شقي من شقاه
35 جهزه يادريولي وانت من حسبة هلي = نصه اللي فاللقى ما يخيب من نصاه
36 يم بن شايق طويل الذراع الاخطلي = تركة ارجال لهم قدرٍ وعزٍ وجاه
37 مطعمين اسيوفهم فالزمان الجاهلي = من تذوق ظربهم بالمهند ما نساه
38 الهم اشهودٍ علي والولي يشهد علي = الشجاعه والكرم والنزاهه والصلاه
39 اصلهم قحطان ساس العروبه لولي = وكل عودٍ يوم يولع من النيرة سناه
40 مير لولا لازمي كان تنصى من يلي = ما تخير فالمناعير هاذاه وهذاه
41 اقلط لعبدالله ابلازمٍ مستعجلي = سلم وقل له نديبي محمل لك وصاه
42 واخذ مستعجل سريع الجواب ورد لي = واعتذر منه ترى شوفة الطرقي مناه
43 قل له اني كل ما لاح برقٍ يشعلي = قام قلبي يصطفق من خلاه وفي خلاه
44 من هنوفٍ حبها فالحشى ما ينجلي = من ثمان اسنين والقلب حيٍ في رجاه
45 ان طلبني حاجة ذاب سمي بعسلي = وان طلبته ذاب سمه بقلبي من حياه
46 وابتلاني هاجسٍ قام يصلاني صلي = في ظلوعي نشدته كيف يصخى باقرباه
47 واخلف الهقوات واتعبت نفسي واجملي = وا عذاب اللي يدور ذهيبٍ ما لقاه
48 وش دوى اللي قلبه من المحبه مبتلي = شاف من هول الهوى والعزاير ما كفاه
49 لا تسير السالفه مثل مسرى الهملي = وانت رجال ليا قال له قولٍ احتماه
50 والسلام ختام عدة بروقٍ تشعلي = من ظميرٍ لا سلى بيح البارق خفاه

الموضوع الأصلي: قصيدة من خمسين بيت ؟؟؟؟؟؟؟؟؟؟؟؟ في منتهى الروعه | | الكاتب: البدر المهاجر | | المصدر: شبكة بني عبس

[سعد الشقل]

صح اللسانك اخوووي

بس ياليت تعلمنا من الي كاتب القصيده هل هي لك ام منقوله؟


شاكر لك اخوي كل الشكر

[البدر المهاجر]

	مشكور اخوي سعد على مرورك وردك وربي مايحرمنا الناس الطيبين اللي مثلك وشرواك وبنسبه لقائل القصيده هو الشاعر المبدع :خالد بن مدعث الدوسري

[مقبول الرشيدي]

صح لسان قائلها وناقلها

تحيتي لك بدر

[الســـامري]

صح لسانك وسلمت يمينك يااخوي البدر المهاجر وصح لسان الشاعر : خالد بن مدعث الدوسري...........





تقبل تحياتــــــــــي



الســـــــــــــــــــــــــامري

[صوت البدر]

البدر المهاجر
يعطيك العافيه على النقل وصح لسان شاعرها
لك تحياتي

[صوت البدر]

البدر المهاجر
يعطيك العافيه على النقل وصح لسان شاعرها
لك تحياتي

[*العبسي*]