[نشمي الرشيدي]

الشعر

الشعرماهوكــل مـن قالـه اجاد = ولاكل من قـــال القوافي عسفها
ياكثر مـانسمع جماعات وافراد = وقـليل اللي صـاد قـوله هـدفـها
النـايده تبـغى لــها نــاس رواد = ما كل من حـاول عليها قـطفـها
وحلوه ليا فاحت مثل ريحت الكاد = تبقى براس اللي سمعها وعرفها
وترفع مقام اللي نظمها للاشهاد = وينال من حـسن القوافي شرفــها
الشعريبغى انسان حساس نقـاد = يستـنتج اشيا تصيرلـو ما وقـفـها
يجـيدها بالراس من كل الابعاد = ويطـلـع ويلقـيها علـى محـترفـها
الشعرهرج وبفعله سيوفٍ حداد= نــاس يـرقـيـها ونـاس يـخـسـفـهـا
الشعر اله دايم مصادر وميـراد = ومن يجـهل بهذا يـدور خلفـها
الشعر اله مع كل موهوب ميلاد= درعٍ حـصـين لنـادرٍيـلـتحــفــهـا
الشـعر خـلوه القـدامـا للاولاد = سـلفـه يـودعـها مثل ماسـتلفـهـا
الشعريبدامن الطفـوله ويزداد = حبه إذا جاء بالضماير شغفـها
ان طاب نوم مبلدالقلب برقـاد = راع الشعرحلو المبادي عزفها
شيدلها صرحٍ تطارد به اجياد = و بنات فكره شيدله اغرفها
بيتٍ يجي صدفه وبيتٍ يبا جهاد =وبيتٍ يصيب وبيت يجي بطرفها
الشعرنادي والنوادي للامجاد = بالحرب والسلم المواقف وقفها
الشعرماهوخاص في ناس وبلاد = بـحـرٍ يرسي للـنوادر حـرفـها
الشعر سهله صعب وزناده زناد= ولا كل من قال القوافي عسفها

قصيدة الشاعر: نشمي دغيمان الرشيدي

الموضوع الأصلي: الشعر | | الكاتب: نشمي الرشيدي | | المصدر: شبكة بني عبس

[صقر عبس]

صح لسانك اخووي نشمي تحياااااااااتي

[المغرم اليائس]

قصيدة رائعة بكل ماتعنيه الكلمة من معنى,,,

لك التحية على هذه الموشحة الخلابة,,,

دمت بخير

[فيصل الرشيدي]

صح لسانك يا نشمي

[الجـــــادل]

صح لسانك ولاهنت أخوي نشمي

تقبل تحيتي

اختك الجادل

[سعد الشقل]

الشعرهرج وبفعله سيوفٍ حداد
ناس يرقيها وناس يخسفها

يا سلام صح اللسانك اخوووي

والىى الامام ووفقك الله

[بندر الذيابي]

الله الله الله


صح الله لسانك


بالفعل جميله هذه القصيده


تحكي معانات الشعر في هذا الزمن

نطقت فأبدعت ووتفنت بالكلمه


بالفعل قصيده تستحق التميز بالمنتدي


اسمحلي بختم القصيده


وننتظر جديدك


اخوك


بندر الذيابي

[صوت البدر]

اخي الشاعر نشمي يعطيك العافيه
قصيده رايعه