[عبد الرحمن خضير]

عبدالرحمن خضير الرويضي**

سلام ياراعي الحفله ويامن حضر=في حفلة مطير والعنوه على شانها

أن كان تركي معه ياصحاب علم وخبر=ياقف وناخذ دلايلها وبرهانها

تــــــركي الفين**

يامرحبا عد ماهلت ثعول المطر=والطيبه بيننا ماختل ميزانها

القافله يالرشيدي سيرت بالبحر=وانته ورى الديره القشرى وضلعانها

عبدالرحمن خضير الرويضي**

لعل فيك البقا يالشاعر المعتبر=في ليلة معك ريسها وسلطانها

نبا نسولف ونعطي مع وسيع النظر=سولف ما يتغير معك عنوانها

تـــــــركي الفين **

الاوله يالرشيدي لاتنوش الخطر=والثانيه يالرشيدي صك بيبانها

الظاهر ابن خضير المهدي المنتظر= وان كان يبغى الحقيقه قلت لها عانها

عبدالرحمن خضير الرويضي**

الظاهر انا نبي نصلي صلاة الفجر=على هل الديره اللي زاد شيطانها

المسلم ليا بلي ياهل المعرفه صبر= في خيرها وشرها والناس واديانها

تـــــــركي الفين**

الظاهر انك تبي ترجع بليا بصر=وتطيح بالنار شعلتها ودخانها

انتم رجالا تحسبون المراجل هذر=وابليس ملعون يرقص فوق حجانها

عبدالرحمن خضير الرويضي**

ترى الحذر مايفكك من حدوث القدر=ياراعي الددسن اللي مال سكانها

حنا رجال المواقف قبل زيد وعمر=ناخذ ونعطي رجالاتفعل ايمانها

تــــــركي الفين**

ماتفهم العلم ياشارب حليب البقر=ياراعي السلعه اللي طاحت اثمانها

حنا هل المعجزات وفعلنا مشتهر=وبيوتنا طيبه من طيب سيسانها

عبدالرحمن خضير الرويضي**

الله يسامحك ياراعي الونيت الحمر=ما تحج مكه ولاتاقف على اركانها

ماقول فيكم ردى ياشاعر ماشعر=والنعم بمطير راعيها وفرسانها

تــــــــركي الفين**

عطنا بطاقه مع الرخصه ياشيخ الجبر=ياللقمه اللي تثبت فوق لحيانها

الموضوع الأصلي: محــــاوره شعريه بين تركي الفين وعبد الرحمن الرويضي؟؟ | | الكاتب: عبد الرحمن خضير | | المصدر: شبكة بني عبس

[مساعد عواض]

عبدالرحمن خضير بيض الله وجهك محاوره في قمة النقض والفتل الصحيح
ونا اجزم انك من عمالقة الشعر والمحاوره من افضل المحاورات التي قريت وسمعة وهديك اجمل تحيه
من كل اعماق قلبي وسجل اعجابي وشكري وتقديري لشخصك الكريم
اخوك الشاعر مساعد عواض

[سعد الشقل]

الله الله يا سلام يا الرويضي

عزالله ابداااع ابداااع ابداااااع

يعطيك الف عافيه يا الرويضي علىى هالمحاوره

ولا تبخل علينا بما هو جديد

[سامي الشويلعي]

عبدالرحمن خضير

بيض الله وجهك على المحاوره الشعريه


تحياتي لك

[خالد الرشيدي]

عبدالرحمن خضير

بيض الله وجهك على المحاوره الشعريه


تحياتي لك

[عبد الرحمن خضير]

(( مساعد عوض )) (( سعد الشقل)) (( سامي الشويلعي)) (( خالد الرشيدي))

مشكورين على المرور وكل عام وانتم بخير ومن العايدين

[ابوعبدالله الشويلعي]

صح لسانك يا عبدالرحمن



محاورة فوق الرائع ومجارة للشاعر مطير الاول



تشكر رفعت راسنا فوق






تقبلوا تحياتي أبو عبدالله الشويلعي

[عبدالعزيز الخياري]

تسلم ابو متعب وصح لسانك ولسان الشاعر تركي المطيري

محاوره رائعه ولكن نريد المزيد من محاورتك

تقبل تحياتي