[ظناني الشوق]

....

كنتي ولاكن كـن منتـي بكنتـي
وماكان كان وكن ماكـان ماكـان

انا مثل ماكنت وانتي كمـا انتـي
مافات مات وجابر النفس غلطان

انتي حلفتيلـي ورحتـي وخنتـي
ومن خان يلقى له مع الوقت خوان

تلقى وانا بلقى بدالـك وش انتـي
من يطرد المقفين مفلس وخسران

اول نزلتي في حشـاي وسكنتـي
اجيك متحمس على الوصل شفقان

لو تطلبين العين والـروح منتـي
اقول هين مطلب الزين لا هـان

واليوم في تالـي لياليـك شنتـي
مانتي على مافات في كل الاحيان

انكان في حبن جمعنـا استهنتـي
الله ولا حبـا يـردك لحـقـران

غلطت وانتي في خفايـاك بنتـي
غلطه ولاكن عدها كبوة حصـان
.........

الموضوع الأصلي: من خان يلقى له مع الوقت خوان ...... | | الكاتب: ظناني الشوق | | المصدر: شبكة بني عبس

[سيف عبس]

القصيدة مجازة بس من شاعرها

[ام جوانا]

صح لسان الشاعر والناقل

لاخلا ولا عدم

[غاليه]

رائعه ..

لله درك ..

صح السانك ولسان شاعرها ..

ولاهنت على النقل الرائع ..
تحياتي

[عبداللطيف العايضي]

غلطت وانتي في خفايـاك بنتـي
غلطه ولاكن عدها كبوة حصـان

صح لسان الشاعر والناقل

لاخلا ولا عدم

تقبل مروري