[ولــد خــلف]

السلام عليكم ورحمة الله وبركاته

قصيده قلتها بمناسبه دعوه الشيخ / كليب بن زهيميل المضيبري

لأميــــر شمــــل بني رشيد / ذييان بن سمره في رابع ايام عيد الأضحى

لعام 1428هـ في ضليع رشيد ( ابانات ) ،

سلام الله على وجيه السعد وشيوخنا الغالين=سلامن يفتح يدين الكرم ويشرع ابوابه
سلامن خص لعيال العبوس وديره الضلعين=سلام احلى من السيف الرهيف ومسكة نصابه
بمجلس من لياشان الزمن بالمعضلات يبين=كليب اللي على طيب النوايا يسرج ركابه
اميرن والاماره لاهي بسلفه ولاهي دين=ورثها من ابوه ونعم هاك العود من جابه
زهيمل المراجل راعي الفزعات كاس البين=خضاب الموت لامن سل سيفه وصل لخضابه
بني مضبر سلايل عبس ناسن بالقاء شرسين=لهم باللازمات سلوب غير ولاله مشابه
سباع الضلع لطامت عداه اقصينهم ودنين=رجالن للمسالم سلم والنازي له حرابه
وعلى ذيبان مية مرحبا ياسيدي واهلين=ابن سمره ياشيخن كلنا دوم نتعزوابه
امير الشمل تاج الراس كيف اوصفك لا ومنين=اببداء وانت مايوفيك لاشعرن ولاكتابه
حكمت القافله وحنا بحكمك سيدي راضين=معك في كل ماتامر عليه وماتهقوابه
سلاحن في يمينك لو يلين الوقت صعب يلين=صدورن دون وجهك سيدي تاقف ولاتابه
لنا تبقى عسى عمرك طويل وكلنا ملبين=يحفظك ربي اللي ماخسر من كان طلابه
وانااشهد ياامير اني بهذا العيد حظي زين=لاني جيتك وسلمت ياضلعن لي الجابه
وعلى عهدي بقيت وعهد جدي من قبل قرنين=سراب يقول ابن سمره صحيبي وانتم اصحابه
وابوي يقول ابن سمره وفي وعياله الوافين=( عصابه راس من في هالزمن فاقد له عصابه )
وانا شاعر وهمي لامدحت امدح بعقل ودين=ولاجحد فعل اجاويد النشاما وكسر نصابه
واذا جاني هجوس الشعر لجل اكتب ولو بيتين=ادور نايفات جبالها والفكر يرقابه
عن سفاف الكلام اللي يغث وهرج ناسن شين=ابرفع قدر شعري وعتزي واقول يالابه
مدام اني رشيدي والرشيدي لعتزى يامعين=يصيرون العبوس صقور جو ونوبن ذيابه
والاياسعد عيني دامني في ديرة الضلعين=ابانات العذيه سعد عين اللي تغنابه
مابين عيال مضبر ربعنا ناسن علي غالين=وابن سمره عقيد الشمل لاضقنا نتعزوابه

عايد بن خلف الرشيدي

الموضوع الأصلي: الأمير / ذيبــان بن سمره والشيخ / كليب بن زهيميل .. | | الكاتب: ولــد خــلف | | المصدر: شبكة بني عبس

[مرزوق العجوني]

ابن خلف صح لسااااانك مليووون ولا يكفون ويستاااهلون الشيوخ لا هنت وبيض الله وجهك تقبل مروري

[عايض بن صالح]

صح السانك ياولد خلف على هذه الابيات التي امتدحت فيها شيوخ من شيوخ عبس

الاشاوس بيض الله وجيهكم جميع

تــــــــــــــــحيـــــــــــــه

[عبداللطيف العايضي]

ابن خلف صح لسااااانك مليووون ولا يكفون ويستاااهلون الشيوخ لا هنت وبيض الله وجهك
تقبل مروري

[ابومعيبد]

صح لسانك بابو خلف ولاقلت الا الكلام الجزل ولامدحت الامن يستاهل وبيض الله وجهك