[عبيد الله دعيع]

هذه القصيدة للشاعر/فضي بن صويلح الرشيدي...أرجو أن تنال أعجابكم.....

بادٍ بذكر الله ولي المقادير=وهو الله الوالي على كل والي
وهو اللذي علام في كل مايصير=وهو اللذي دايم عليه اتكالي
ياعايدٍ للأرض عقب المعاصير=لياراد يسقيهايجيب الخيالي
يامودعٍ بالعشب يظهر نواوير=يامنبته بأرض الوعر والسهالي
يافارج الشطه عليك التدابير=مرسي الجبال النايفات الطوالي
تحفظ حكومتنا هل العز والخير=بقيادة أبو متعب خيار الرجالي
والأسرة اللي حاكمه صغار وكبير=الله يحفظهم عزيز الجلالي
عنهم يدمر راعي البوق تدمير=والحاسدين الحاقدين السفالي
اللي يحبون الفتن والجماهير=من عانهم يالله عطه الزوالي
يامودعٍ بالناس قرد وخنازير=لأهل الفتن لاعاد تبقي توالي
يالله تطهرمنهم الأرض تطهير=ياواحدٍ فوق السماوات عالي
ياحامي البيت الحرم مرسل الطير=يوم أبرهه للبيت بالفيل صالي
يا حافظٍ موسى وهو ورع وصغير=أمه تحطه بالبحر ماتبالي
تطيع بأمرالله ماتطيع بالغير=تطيع بأمر الله أول وتالي
ولفرعون سلٌم سلموه أهل العير=والله رده جيب لأمه يشالي
وأحذر أهل الطيب والربع تحذير=أهل الفتن والبوق ترضى الهزالي
يالله عسى مبروك ختم ذو عمير= يستاهله سرهيد جاله مجالي
بني رشيد لياحصل صار مايصير=دون الوطن يامأرخصو كل غالي
من ربعةٍ ماتخون يوم المغاوير=يوم أن أخو نوره يشد الرحالي
راعي وفا صخر له الله تصخير=حكم بحكم الله وحكمه عدالي
عساه للجنة ما ياتي زمهرير=عياله حكموا بالعدل نعم العيالي
آل السعود أهل السيوف البواتير=دخيلهم جاهو من الضد جالي
عدوهم خلوه يخسر مخاسير=حريبهم لاجوه جاه الجفالي
يلعن مشيره يوم شاف المناكير=لياشاف جدع الروس والدم سالي

الموضوع الأصلي: بادٍ بذكرالله | | الكاتب: عبيد الله دعيع | | المصدر: شبكة بني عبس

[عبداللطيف العايضي]

يافارج الشطه عليـك التدابيـر&& مرسي الجبال النايفات الطوالـي
صح اللساااانك

تقبل مروري

[عبيد الله دعيع]

عبد اللطيف نيابةٍ عن الشاعر صح بدنك وبيض الله وجهك تشرفت بمرورك

[العريض]

من لايعجب بهذا الشاعر لايقرى الشعر

صح لسان فضي بن صويلح


عزيزي الخيال اشكرك على اختيارك

لاهنت بيض وجهك تقبل مروري مع التحيه

[الـــشــــيـــهانــة]

*الخيال*
صح لسان قايلها ولا هنت عالنقل
تسلملنا يالخيال

تقبل مروري

ودمــت بحفظ الرحمن

[عبيد الله دعيع]

أخوي العزيز مشرف منتدى الشعر الشعبي/حجاج العريض صح بدنك ولا شكر على واجب وأجهك أبيض دمت بالف خير تشرفت في مرورك

[عبيد الله دعيع]

أختي المبدعة/الشيهانة...صح بدنج شرفني مرورج الرائع دمت بحفظ المولى عزوجل

[عبدالعزيزعلي]

الخيال لاهنت على نقلك وصح اللسان الشاعرفضي صويلح
تقبل تحياتي