[حمد هديرس الرشيدي]

احبتي الاعزاء

هذه مشاركتي الاساسيه

ببرنامج

شاعر الجمهور

الذي يعرض حالياً

على قناة فلاش

يشرفني ان اضعها امامكم

اتمنى ان تحوز على اعجابكم

[POEM="font="Simplified Arabic,4,black,normal,normal" bkcolor="transparent" bkimage="images/backgrounds/16.gif" border="inset,4,green" type=1 line=0 align=center use=ex num="0,black""]يالله ياللي بقدرتك زلت الاحزاب=ياللي خلقت الكون واحصيت مابه

تغفر ذنوب اللي تراجع ولك تاب=وترذل طريق الشر واللي سعابه
-
وتحفظ وطنا من جماعات الارهاب=اللي هدفهم في وطنا خرابه
-
تسترو بالدين يبغونه حجاب=واللي فعلو دين الهدى مارضابه
-
وشلون قاموا بقتل من دون الاسباب=لنفسٍ بريه ماعليها طلابه
-
وشلون يرضون المضره للاحباب=وشلون صاروا للجرايم عصابه؟

فتنه! وياللي طعتهم حسب احساب=وفكربعقلك كان يعرف صوابه
-
ما لك عجوز وشايبٍ راسهم شاب=عيونهم ترقب لشوفك رقابه
-
مالك ولد؟مثلي وخلان واقراب=وشلون ترضى ذلهم ماتهابه
-
اسمع لصرخة طفلك اللي عنك غاب=من غيبتك يصرخ وشقق ثيابه
-
يابوي ! لايغويك غاوي ونصاب=ارجع لدينك خاف ربي وعقابه
-
لونك تموت اليوم في دين الاغراب=تبقى عليه عار واسمك معابه
-
هذا! وشوف الفرق واضح بالاسباب=بيني وبين ابنك فروق وحسابه
-
ابوي يكتب بسمي الحرف بكتاب=علمني بحفظه للولاء في كتابه
-
وبقلبي غرس حب الوطن غرس ماخاب=وحب الوطن بعروق دمي مشابه
-
وانت ولدك مايستره فعلك ثياب=يطلب لك الرحمه وتطلب عذابه
-
لاشك درب الحق واضح وله باب=حاول تراجع عن خطاك لصوابه
-
واعرف ترى الاصلاح هم ساس الارهاب=واعرف وطنا سيف حده نصابه
-
لانه وطن مكه وطيبه والاصحاب=دار النبي دار الحرم والصحابه
-
حكامه آل سعود وافين الانساب=اهل الضفر والجودرمز المهابه
-
بقيادة ملكنا عزنا عز الاعراب=ريف الضعيف وعز منهو انتخابه
-
عبدالله حليف الجود حلال الانشاب=خازوق عين اللي يدور حرابه
-
وعضده ولي عهده على الحق طلاب=حرٍ تعلا فوق مجده رقابه
-
سلطان قايد جيش واسطول واسراب=دايم على العليا عزيزٍ جنابه
-
ورجل الامن نايف شجاعٍ ولاهاب=شام المعالي ونايف العز جابه
-
واخوانهم واحفادهم ضد الاصعاب=وحريبهم مايهتني في شرابه
-
وحنا معاهم صف واحد ولانهاب=والموت من دون الوطن مانهابه
-
ولاذل من صان لعهدنا ولاخاب=واللي سعى للشر حنا عذابه
-
لاياوطن ترخص ارواح وارقاب=ويبقى شموخك محتمينه ذيابه
-[/POEM]ويالله ياللي بقدرتك زلت الاحزاب=تمحى طريق الشر واللي سعابه

الموضوع الأصلي: شــــــــــــــــــــــــــــــاعر الجمهور | | الكاتب: حمد هديرس الرشيدي | | المصدر: شبكة بني عبس

[زهير العبسي]

صح لسانك حمد

قصيده جزله

وان شاء الله سوف اكون من المتابع لقصايدتك

شكراً لك وبارك الله فيك

مودتي

[زهير العبسي]

صح لسانك حمد

قصيده جزله

وان شاء الله سوف اكون من المتابع لقصايدتك

شكراً لك وبارك الله فيك

مودتي

[مسندالعويمري]

صح لسانك يا حمد بيض الله وجهك قصيده

مميزه الله يعطيك العافيه

مزيد من الجديد تحياتي لك وتقديري

[عاشق الصحراء]

صح لسانك يابو وليد وتقبل مروري