[شــهـــد]

.



كنت اتمنى منك .. ابتسامه .. بوسه .. ضمه
كنت ودي اكون بقربك بكل لحظه
.
دروب حياتي تبي شخص مثلك يوقف معي
تبي من يساعدني و يساندني
.
فقدت الحنان وانا عايشه ويـّا هلي
مع امي .. ابوي .. اخواني
.
اشوفك ونظراتي كلها حزن .. ابيك تحنّ
بس كل يوم عن يوم تبتعد ويزيد فيني الالم
.
اعيش ( معك ) وكني غريبه
اعيش ( بقربك ) وكني بعيده
.
صدقني انا تعودت على بعدك
ما صار يهمني قربك
.
ما عاد ابي منك شي لا ابتسامه ولا بوسه ولا ضمه
آسفه بس هاذي الحقيقه يا ( يوبه ) .. ،
.
خليتني بهالدنيا حيرانه تايه
امشي بطريق ماعرف شمصيره بأختصار ( ضايعه )
.
لا تحاول ( يوبه ) تتقرب بعد هالسنين
ما عاد ينفع اللحين
.
هذا ما يعني اني لقيت اللي يصير بدالك
حشا يا يوبه مافي حد بدنيتي ياخذ مكانك
.
بس انا تعودت ع الوحده
تعودت عالظلام والوحشه
.
حسيت بالوحده وانا بينكم يا ( هلي )
ان واجهتني مشكله اشاور روحي او أي حد لو كان مخطي
.
بكل شي اعتمد على نفسي
اتحمل كل اللي يجيني رغم صغر سني
.
انا لو فرحت محد فرح لفرحي
و لو حزنت محد يمي يمسح دمعتي
.
ابي اكمل عمري لوحدي
مابي أي شخص يشاركني
.
آه يا يوبه لو تدري عني
لو تعرف وش فيني ..
.
يا يوبه الناس كلها ظلمتني
كلها وقفت ضدي و كذبتني
.
وانا لحالي محد وقف يمي
تصدق يوبه حتى امي تخلت عني ؟!
.
يوبه .. وينك ما تشوف دنيتي شلون صايره ؟
وينك ما تشوفني شلون عايشه ؟
.

.

بس خلاص ..

ما عاد ابي منك شي لا ابتسامه ولا بوسه ولا ضمه
آسفه بس هاذي الحقيقه يا يوبه







.
/
.
/
.


.
كــتـــبــته على أورآقـــي بحبر من دمـــي

و زينــت الصفحات بقطرات من دموعــي .. *
.


.
كـتـبـتـه بـسـبب ظروف صعبه اتعـبتـني

و ما زآلـت ذكــرآها تـأسرني .. *
.



بــقلم :
أحــــلى رشيديه ..،

الموضوع الأصلي: كنت اتمنى منك .. ابتسامه .. بوسه .. ضمه .. ! | | الكاتب: شــهـــد | | المصدر: شبكة بني عبس

[فلاح المهيمزي]

آآآآآآآآآآآآ من جفوة الحناااان
احلى رشيديه
طاب مساااءك عزيزتي


كلمات مليئه بهدوء

والحزن

جميل اسلوبك للغايه


دام احساسك بحب
مستـ مـفـهـي ـر

[الهنوف]

أحلى رشيديه

أخذتنا ألى عالم الأحزان..عالم مليئ بالحيرة والخوف..كلماتكِ مؤثرة بالنفس..على إيقاع حزين..ولكنها مميزة وجميلة

عزيزتي

أبتعدي عن ذاك الركن الحزين فلا زلتِ صغيرة..أبتسمي.. وأستمري بمواصلة حياتك فمن المؤكد هناك بصيص أمل
شكرا لكِ ووتمنياتي لكِ كل التوفيق وبحياة ملؤها الحب والسعادة

دمتِ بخير
اختك الهنوف

[شــهـــد]

مستر مفهي ..
يسلموووو عـ المرور ..

الهنوف ..
مو انا احدد اكتب .. عن ( فرح \ او حزن )

ظروفي او حالتي اللي تحدد

بعض الظروف يضيق فيها صدري .. واكتب اللي بخآطري ..

وبعض المناسبات .. اكتب فيها عن فرح ..

و مرآت ( شوق .. غلا .. حب .. آلخ

وتسلمين عالمرور يا قلبي ..

[هـدوء الـحـزن]

بصراحه .. مسحت الدمع من عيناي في منتصف الخاطره

خاطره معبره جدا .. موضحه لما بين اسوار الذات

تتميز بصدق المشاعر

تكلمتي بلسان فتيات كثيرات .. وتحدثتي عن قضيه غايه بالاهميه

احلى رشيديه بالعالم .. لحظات تأمل اعيشها عند خاطرتك

ونظرات عطف التفت بها نحو احرفك

شكرا لقلمك الحساس ومعانيك المعبره



وشكرا لمن يستحق الشكر وهم كثر

(( عالسلامه ))

[شــهـــد]

هــدوء الحزن ..

اذا مسحت الدمعه عشان قريت الخآطره ..
شلون اللي عاشها بكل لحظاتها ؟؟
.
.
تسلم عالمرور

[هـدوء الـحـزن]

الذي عاشها يكون قد رآى بعينه الحدث

ولكن من قرأها .. فيتخيل اكبر من الحدث نفسه

لذلك نزلت الدمعه لقراءتها .. ولا اظنها تذرف لمعايشتها

(( عالسلامه ))

[حنان الرشيدي]

أحــــــــــــــــلى رشيديه :


قـــــد تعترينا أحزان ..

و قد نغرق في بحار الألم ..

و لكن المهم أن نجد السبيل لـ التعبير عن ذالك ..

و أنت ِ غاليتي وجدتي طريقك بتحويل تلك الأحاسيس

إلى كلمات ٍ راقيه ...

فسلمت أناملك غاليتي ..

و دمت بكل خير ..

مع خالص حبي ..



كانت هنا ومضت ...أختك :


حنان الرشيدي