[سعد الشقل]

عبدالرحمن خضير

سلامي سلامن ما جهل فيه مخلوق=من الهاجس اللي طارله طواري
من البارح اخايلي امزون وبروق=وبرق الحيا جذاب والكل داري

عبدالباري

هـلا مرحبـا ترحيـب طـارق وفـاروق=من الهاجس اللي مثل شهب الضواري
مالـوم الشـواوي ثوبـه اشقـوق وفتـوق=عيـونـه ورا الـبـارق تـهــل الـعـبـاري

عبدالرحمن خضير

ابى ادخل على اهل السوق وشري من السوق=ولا لك دخل في سوق بايع وشاري
على راعي الفكره معانيك ما تلوق=يا لاعب جنوب افريقيا بالحواري

عبدالباري

تبا تدخل اهل السوق والرأس مفلـوق=وأنــا ماعلـيـه مــن كـثـيـر الـهــذاري
أسوق الجمال الوضح واصيح للنـوق=واعسف الصعب حتى يطاوع جباري

عبدالرحمن خضير

ابا اخذك في طرقه واسجك بطاروق=واحدك على راس الجبل والكباري
ابوجبهتن حمراء وابو راس محلوق=تعود على جو البحر والخباري

عبدالباري

ترا الشعر ياشاعر من الفن والذوق=وأنـا ماتحمّـل هـرج راع المـزاري
تبا توسع المعنى وتبعد عن الضوق=أو أقبل ياابو متعب لجاك اعتـذاري

عبدالرحمن خضير

انا لي حقوقي وانت اصبحت محقوق=مادام الحديث اللي رواه البخاري
تراني حكيم ولاسمع اهروج مطفوق=لاونك على بعض العلوم انتحاري

عبدالباري

تشرّه على برقا وتزعل على روق=وتسري ولاتدري على وين ساري
عكست الهرم خليت حدريهـا فـوق=ولاواعذابـي معـك طـال انتظـاري

عبدالرحمن خضير

صفك الهوا والصدر والحلق مخنوق=ودورت في سد الجبال المذاري
صحيح المثل ماكل مطرود ملحوق=وعن ماتبى حطيت عازل حراري

الموضوع الأصلي: عبدالرحمن خضير × عبدالباري عبدالعزيز | | الكاتب: سعد الشقل | | المصدر: شبكة بني عبس

[عبد الرحمن خضير]

اشكر اعضاء هذا المنتدى الغالي على اهتمامهم بتنسيق المحاورات اللي احيانا تحصل

بدوون تنسيق مسبق ...واخص في شكر ألأخ سعد الشقل على مايبذله من جهود جباره

لمصلحة فـــن المحاوره...ولمصلحة شعرائها..وهذا ان دل يدل على حسن تعامله...

مع كل الشعراء....كبيرا وصغيرا....وعلى ذووقه الرفيع....

تقل تحيااات اخووك....عبدالرحمن خضير الرشيدي