|
خيارات الموضوع | ابحث بهذا الموضوع |
|
محاوره بغاية الروووووعه
للشاعر الكبير : زيد العضيله والشاعر الكبير : رجا الله الحربي {الله يرحمه} ============================================== رجالله الحربي هلا يا مرحبا ترحيب حربي للخوي والضيف وللربع الحضور وغايب العالم وحاضرهـا ترى الليلة ربيع قلوبنا بين الشتاء والصيـف اقوله والعرب لعـل مـا تنكـد خواطرهـا زيد العضيله يدوم إلك البقاء من شاعر غني عن التعريف وحنا ناخذ علـوم القبايـل مـن مصادرهـا تهيض يا رجاء الله والسنة ما هي بدايم ريف وأنا أدور على اللي كـل رجـال يدورهـا رجالله الحربي هلا يا مرحبا يا زيد سلمي يا رفيق خليف أعرفك زين وعلومك زمان العام خابرها تهيضنا وكل الأرصدة داخل بنوك جنيف ولا منك شريت الطايرة يا زيـد طيرهـا زيد العضيله رفيق خليف وإلي العز وأنته كيف حالك كيف بعد ذيك العلوم اللي بعد كبـرت تصغرهـا يابو شيكٍ مزيف بنكنـا مـا يقبـل التزييـف لا كن هات البطاقة هاتهـا نبغـى نصورهـا رجالله الحربي أنا حربي ولد حربي علم مرسوم فوقه سيف وقل لمطير فوق أعلامها ترسـم خناجرهـا أنا ماني مزيف وأنته البلشـان بالتصريـف تعدت مستواك وتحسب الحربـي مزورهـا زيد العضيله أنا خابرك حربي منفتل زندك ولا أنت اضعيف لا كن مطير هرجك ما يغير فـي مشاعرهـا أنا أبا أنشدك عن رجل تبين وأختفى ما شيـف عسى ماهو شريـكٍ للجنايـز فـي مقابرهـا رجالله الحربي عليك الهون قبل نطلع أوراقك من الأرشيف ونمزح مع مطير و ياقف الماء في حناجرها هذاك الرجل من عربانكم بالأسم والتوصيف وكاننـه يهمـك سنـد الديـرة وحـدرهـا زيد العضيله ملفي يارجاء الله ما حذفته في حدود السيف شناباتـي تدسمهـا فعولـي مـا تغبرهـا مادام علومكم صارت كذيا ولعـوا بالليـف وتلقى مسفرة بكـره وحججهـا وزورهـا رجالله الحربي ملفك زين لا كن به حروف محرفه تحريـف وأضنك ورطتـك أم الكبايـر فـي كبايرهـا بشب النار في روس العدى وأبا أرفع التكليف وأبا أكحل عيون العيـر وأكسـر مناظرهـا زيد العضيله ملفي حافظه ما هو ورق في مكتب التوظيـف يا راع الصرة اللي لك ثلاث أشهر تصرصرها أنا أبا أقابل الحربي معي شلفا وحـد ارهيـف ولن كسر يديـك العيـر مـا تقـدر تجبرهـا =========================================== رحمك الله يا رجالله الحربي واطال الله في عمرك ياأبا ممدوح الموضوع الأصلي: الشاعر الكبير/ زيد العضيله× رجالله الحربي{الله يرحمه | | الكاتب: ابو بيان | | المصدر: شبكة بني عبس
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
قصيدة الشاعر زيد جمعان الحربي اهداء الى الشيخ معيض عليان العضيله الرشيدي | عمدة القوم | منتدى الشـــعــــر | 0 | 12-02-2014 12:06 AM |
ثنيان العجوني و رجالله الحربي رحمه الله | صفوان | منتدى المحــــــــــــــاوره | 9 | 20-12-2011 08:12 PM |
طاروق عنيف جدا بين الشاعرين رجالله الحربي رحمه الله والشاعر خليف بن دواس | أبوحرب | منتدى المحــــــــــــــاوره | 7 | 19-04-2009 04:56 PM |
محاورة الشاعر راضي الرشيدي والشاعر رجالله الحربي رحمة الله علية | ابو بيان | منتدى المحــــــــــــــاوره | 7 | 24-10-2007 12:09 PM |
رثاء الشاعر الكبير صياف بن عواد الحربي رحمه الله | سلطان العايضي | منتدى المحــــــــــــــاوره | 19 | 28-06-2007 04:36 PM |